Jeremaya 3:13 - Wëël Jwøk

¹³ Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 3:13 Iomraidhean Croise

Neemiya 9:2

Kanyøgø jø Icriel dëëtge akälge wøk ki røk juurre, ni öge maal ni køpge raay moge, ki gïïa reyø na tïïc kwäcge.

Pwöc Leec Wïc 28:13

Ŋat wø kaan bääyö mare ba bëënynyi, 'ba ŋat wø køp raay moe ni wec geni, mëëy Jwøk di joodø.

Aydheea 57:5

Juu mou na näk patha adïëri lammu nou døøa dëëtu ki käp tiet jenni moa no onigïït piny, ni nyïïu ŋallu ŋallø ni cïpu ge jïge no olämme deŋ nyeŋ näm ki tiet agäp-kïte.

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 14:20

Wui Wuuö Jwøk, rääö marwa ajïëcwa, këël raay moa tïïc wëëkwa, kiper waana bääyö dëërï, wa bëët.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 3:2

Tïŋ wïïï maal, ni raŋï kwör lam moa en bäät thuuri moa leer yøøke. ?Aŋø, a kaa na kärï tïïö yie ki tïï käp? Ïïna bëëdö kaamar dhaagø mo opï piny thääŋ jöö ni koora cwøw, ni bëëdï kaamar ŋat paap mo omøør piny nee jiy twiere. Paac araanynyï ki køør käp ki rääö marï.

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 3:6

'Ba ki yïth nïra beet nyeya ma Jöcaya, Wuuö Jwøk acäänö ki aani, a na Jeremaya, ni kööe, ni «?Gïna tïïc Icrielli na caal dhaagø mo cwïnye ogaa wøk ajootï? Ena ci kwör lam moa en bäät thuuri moa bäyö ki tiet jenni moa no onigïït piny bëët, ni bëëde ni tïïya tïï käp kwöreke.

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Edhikiel 16:15

« ‹'Ba ïïna tïmö niï ŋäätha mïërö marï, ni tïïyï wïny nyeŋ marï ni beeye jöö man gathï dëërï ki gø ki käp. Ïïna tïmö ni marï buut ki ŋat wø ö baŋï jaak, ni tïm mïërö marï ni beeye kiper käp.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Tiet Ciik 12:2

Wïth juurre moo ŋøøpge lwørru, kwör wø lamge juu moge yïthge bëët moa en bäät kïte moa bäyö, ki moa en bäät thuuri, ki moa en tiet jenni moa näk onigïït piny bëët wär raanynyu na bäre bäre.