Jeremaya 3:1 - Wëël Jwøk

¹ 'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:1 Iomraidhean Croise

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 2:23

?Aŋø, ïïna diï köö nidïï ni dëërï kärï raanynyø, ni kööï niï kär ci køør juu mo wø cøøri ni Baal? Caar wïïï døøc ki jööra caathï ya agäm-kïdi, ni ŋäyï gïna tïïyï. Ï caala nya athïrööl mo wïïe känni ni wø jøøc piny jaak;

Jeremaya 2:7

'Ba aani, uuna käla yi ŋöömma beer, nee caammi ki gïïa beyø na en yie bëët nee cammu. 'Ba uuna öö, ni raanynyu ŋöömma, ni tïïyu ŋöömma näk mara na kany mo ec raac ki gø.

Jeremaya 22:20

«U na jø Jerucalem, u cøøa bäät Kïn Libaanø ni gööu ko oduuru, ni cou Baacan ni jwöŋu ni döötu ena maal, ni cou bäät Kïn Abarim thuwø ni gööu ko oduuru, kiper wïth juurre moa mëërru ki geni na dwätu ki geni bëët ge di raanynyø.

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 3:9

'Ba Icriel bääyö mare atïïe na gïn mo jööt ki jïre, ni put paac raanynyø ki køør mana tïïe, ni beeye gïn mo caala luk, kany wø wøør kïte ki jenni.

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Edhikiel 16:26

Ïïna käbö thuwø ki jø paac mana kïïï ki gø, ni beege jø Ijep mo wø mëër ki niine, ni putï käp marï kaath niï tïïya aani naa goota.

Edhikiel 16:30

Kwäärö Wuuö Jwøk acäänö ki Jerucalem, ni kööe, na «?A teeŋ rääya ŋø ni raayï ki gø en? Jammi moøgø bëët atïïyï ni ïïna kääbi mo waŋï teek jaak.

Edhikiel 16:35

«Kiper manøgønø, ï na kääbi, wïny dwør Wuuö Jwøk!

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 2:2

«Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Mikiya 2:10

Uuni, u ööa maal ni aayu nou mak ka tøŋ, kiper kany ba tïmö na kar bëëtö maru, kiper mana tïïyu gø ni ba waany ni ränynye, ni tïme kaamar ŋwellø mo bäŋ køny mo joode.

Dhekaraya 1:3

Kiper manøgønø, a na Wuuö Jwøk na en wïth jammi bëët, a cäänna uuni, ‹Luu nyïmmu baŋa, nee nyïma luua baŋu.› Manøgø caana aani, a na Wuuö Jwøk na en wïth jammi bëët.

Mathiew 5:31

«'Ba ocaanø thuwø, ni ‹Ŋat wäro kwier cïïe, wär gööde jïgø ki wëël apääk.›

Tiet Ciik 22:21

dhaaŋŋøgø wär kälge wøk dhi øt wänni, ni ö cwøwi mo päänyögø ni këërge gø ki kïte ni thøøe, kiper ena tïïö ki gïn mo raac dï Icriel, ni eni tïïya käp øt wänni. Gïnögø otïïyu nou raanynya gïna raac na en dïïu.

Pïëmme 19:2

'Ba dhaaŋŋøgø na akwanya enø, awëër ki nyenøgø, ni put aay ni døø po wänni yi Bethelem na en Juuda, ni put bëëtö kaace ki dwäde aŋween.