Jeremaya 29:8 - Wëël Jwøk

⁸ Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni «Uuni, nyïïkuk Jwøk mou moø ni en dïïu yøø ka ajuuk mou käru cøøkge, ni kär nou wïnynya lääk moge moa met yïthu ki ge nee ge läkge ki ge,

Jeremaya 29:8 Iomraidhean Croise

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 23:21

A na Wuuö Jwøk, nyïïkuk Jwøk moøgø, ge kära jääŋŋö, 'ba gena aay ki wïthge keerge jaak; naa kär cäänö ki geni, 'ba luup køpge ka wïthge keerge.

Jeremaya 23:25

«Aani, gïïa car nyïïkuk Jwøki mo wø køp luup tööt ki nyeŋŋa awïnynya ni ge köö, ni ‹Aana lägö, aana lägö.›

Jeremaya 23:27

Ki jïge ege caarø ni ki køør lääk mo wø carge yïthakicge ni wïth jiya wïl ki nyeŋŋa, kaa mana wïl wïth kwäcge ki nyeŋŋa ki køør mana wøørge Baal.

Jeremaya 27:9

'Ba uuni, luup nyïïkuk Jwøk mou mo wø køp luup ki wïthge kär wïnynyu, ki luup jø adïëda mou, ki jiy mou mo wø car lääk, ka ajuuk mou, ki jiy mou mo wø thöödhö ki war, jø wø cäänö ki uuni, ni «Käru bëëdö ni uuna laaŋe mo nyeny Babiløn.»

Jeremaya 28:15

Kanyøgø nyikuŋ Jwøk ma Jeremaya aköö jï nyikuŋ Jwøk ma Ananiya, ni «Ï na Ananiya en, wïny gïn! Wuuö Jwøk ï käre jääŋŋö, 'ba jiy moi atïïyï nee jïëcge ki luum tööt.

Jeremaya 29:1

'Ba nyikuŋ Jwøk ma Jeremaya agöödö ki wëëlö Jerucalem, ni jääŋ gø baŋ jø døøŋŋø moa näk odööŋ ni kwøw ri moa mak ki tøŋ, ki baŋ dïlämme, ki nyïïkuk Jwøk, ki jiy bëët moa mak Nabukedenecörri ki tøŋ Jerucalem ni kïth geni Babiløn.

Jeremaya 29:15

Uuna köö, ni «Wuuö Jwøk waana mooe ki nyïïkuk Jwøk Babiløn kany.»

Jeremaya 29:21

Luumma caan Wuuö Jwøki, Jwø Icriel, eni na wïth jammi bëët, kiper Akap o Kölaya ki Cëdëkiya o Maycëya, jøøa køp luup tööt jïïu ki nyeŋŋa, beeye en: Ka adïëri møn, aani, ge 'cïba cer Nabukedenecör nyeny Babiløn, ni ö eni ni 'näk geni ni nëënö jïïu ki nyeŋŋu.

Jeremaya 29:23

kiper mana tïïge ki gïï mo määnö dï Icriel; gena kännö ki luui ki määr nyïïawäätge, ni cäänge ki luup tööt ki nyeŋŋa, mo ge kära köömmö ki geni; 'ba aani, gïïögø ŋääa, kiper ge nëënö jïra.» Luummögø caana Wuuö Jwøki.

Jeremaya 37:9

Luumma caan Wuuö Jwøki beeye en: ‹Kär rou cøøgu ni kööu, ni «Jø Babiløn wa wecge wiiø møn,» 'ba u ba wecge!

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 13:6

Ge cäänö ki luup tööt ni da gïï mo onyoodhø jïge, ni marge adïëda jaak, ni ge köö, ni «Wuuö Jwøk aköö na ennø nø,» ni ge kär jääŋ Wuuö Jwøki. 'Ba ge poot ŋäädhö jaak ni luup moge thura karge.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Dhekaraya 13:4

«'Ba dïcäŋöca, nyikuŋ Jwøk man nø mana näk patha adïëri wïïe olääy ki køør luup tööt moe na care, ni ba ruye ka abïïna näk cwääc ka jïër ni wø käär nyïïkuk Jwøki, kaa mana wara røc gø ni maaŋŋa wïth jiy ki gø.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Luk 21:8

Ni kööe, ni «Gwøgu rou, nee wïthu ba maaŋŋi. Kiper jiy mo thööth oööi ki nyeŋŋa, ni köge, ni ‹Beeye aani na eni,› ni ‹Kanya wäŋŋi acäännö.› Kär nou cøøa køørge.

Luk 6:26

Otïmö ni raac jïïu, kanyo ö jiyi noo pwøcge uuni, kiper manøgø beeye gïna tïïc kwäcge røk nyïïkuk Jwøk moa näk patha adïëri thuwø.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.