Jeremaya 29:32 - Wëël Jwøk

³² Kiper manøgønø, mana ŋøla, a na Wuuö Jwøk, beeye ni Cemaya nyï Nëyëlam ki nyïïkwaaye bëët ge jääla jäälö; eni bäŋ nyikwaare mo bëëdö ni kwøw dï jiy moi, ni eni gïïö beyø noo tïïa kiper jiya ba neene ki waŋe, kiper jiy apwönynye nee gëëmge ki Wuuö Jwøk.› Luummögø caana Wuuö Jwøki.»

Jeremaya 29:32 Iomraidhean Croise

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

2 Nyeye 5:27

'Ba ennø, dhøøbø mana en dëër Neeman ööa dëërï ni neegän dëërï ki dëët jiy moo käl dëërï na bäre bäre.» Køøre Gaadhi aput aay buut Ilaaca, ni ö dëëre ni put jïtö ki dhøøbø, ni neepwøth ni tar.

2 Nyeye 7:2

'Ba aløk ŋat wø cäädhi ki nyeya jï nyikuŋ Jwøk ma Ilaaca ni kööe, ni «?Gïnögø ba tägi na bäre. ?Aŋø, Wuuö Jwøk, da dha awëërnyeŋ mo jabe jabø maal mo cam öö ki yi gø?» Ni løgi ya Ilaaca ni kööe, ni «Ka adïëri møn, jootï joodø ki waŋï, 'ba bäŋ gïn mo camï camø ri gø.»

Bwøth Wøk 20:5

Kär geni lamï, ni ba tïnynyï geni, kiper aani na Wuuö Jwøk na näk Jwøï, aana Jwøk ma ŋat keec, ni jø wø män ki aani, gïïa bacge kïtha bäät obwöre moge ni jääla geni këël dää beenhnhe, ni put pïï ri ŋweer beenhnhe.

Aydheea 14:20

Ïïni, ï ba koony kaamar nyeye møga, kiper paac marï araanynyï, ni 'nägï jiy moï. Beerra man ö nyïïkwaac jiy mo wø tïïö ki gïï mo reyø ni rwääny nyeŋge na bäre bäre ni ba cwøl.

Aydheea 14:22

'Ba Wuuö Jwøk, eni na wïth jammi bëët, aköö, «Aani, a ööa maal bäät jø Babiløn, ni ŋula nyeŋ Babiløn wøk, ki jiye moa bøth, ki nyikwaaye, ki jø tuuŋge bëët.» Manøgø beeye dwør Wuuö Jwøk.

Jeremaya 17:6

Kiper eni tïmö ni caala abuŋŋö mo ena dïtëën, ni kanyo ö gïna beerri, ba joode. 'Ba eno bëëdö dïtëën kany ma cäŋ keere, yi ŋöömö mo yie da acäbö mo ba løny ki beet.

Jeremaya 20:6

'Ba ï na Pacuur en, ïïni ki jø wø bëëdö paarï bëët, u di maa ki tøŋ ni kïth uuni Babiløn. Køøre ï thøøa kaace, ni koony ï yie, ni beeye ïïni ki nyïïawäätï bëët moa køpï luum tööt jïge ki nyeŋ Wuuö Jwøk.› »

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 28:16

Kiper manøgønø, mana caan Wuuö Jwøki beeye en, ena köö, ni ‹Ennø, ï tïïa tïïö niï tøør bäät piny. Yi cwiir man kiree ï puta thøø, kiper ïïni, jiy apwönynyï nee gëëmge ki Wuuö Jwøk.› »

Jeremaya 29:24

Wuuö Jwøk, Jwø Icriel, eni na wïth jammi bëët, dwøl acaane jïra nee jääŋŋa baŋ Cemaya nyï Nëyëlam, kiper mana jääge ki weeli ki nyeŋŋe baŋ jøøa en Jerucalem bëët ki baŋ dïlämi ma Jepaniya o Maycëya, ki baŋ dïlämme bëët, ni kööe,

Jeremaya 30:1

Man beeye dwør Wuuö Jwøk, Jwø Icriel, mana caane jï Jeremaya, ena köö,

Jeremaya 35:19

ka adïëri møn, luumma caan Wuuö Jwøki, Jwø Icriel, eni na wïth jammi bëët, beeye ni dhi øt Jönadap o Rëkap ba cänni na bäre ki dhaanhø mo tïnynya aani.› »

Jeremaya 36:31

Aani, eni ki jø wø käl dëëre ki jø kööre moe jääla jäälö kiper raay moge, ni ö gïïa lethi bëët na caana kiperge ni kïtha geni bäätge, ki bäät jø wø bëëdö Jerucalem ki dï Juuda bäre, kiper mara kärge wïnynyö.»

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Amøc 7:17

«Kiper manøgø nø, gïna caan Wuuö Jwøki beeye en, ena köö, «ni ‹Cïïï otïmö na kääbi dï pääny, ni ö wäätï ki nyïïï ni nääi ri leny, ni ö ŋøømmi moï ni rømi ni pääŋŋi jï jø møøk, ni ö ïïni ki dëërï ni thøøï yi ŋöömö mo path. Ni ö jø Icrielli ni maai ki tøŋ, ni käl geni yi ŋöömö marge ni kïth ge paac mør.› »

Amøc 9:10

Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Tiet Ciik 13:5

'Ba teeŋ nyikuŋ Jwøk manøgø wala ŋat lääk manøgø wär eni 'näk, kiper eni pwönynya uuni ki man gëëmu ki Wuuö Jwøk na näk Jwøu, na käl uuni wøk ki yi ŋööm Ijep, na pät uuni yi bëët laŋ. Ni teeŋ ŋatøgø manynya man käl uuni wøk yi øtjöö mana ö Wuuö Jwøki na näk Jwøu na kööm uuni ki gø ni cäädhu ki gø. 'Ba teeŋ ŋatøgø wär 'nägu, nou raanynya gïna raac na en dïïu.