Jeremaya 29:26 - Wëël Jwøk

²⁶ ni «Ï na Jepaniya en, Wuuö Jwøk ïïna røønye na dïlämi kar dïlämi ma Jööda, kiper niï tïmï ni ïïna ŋat wø raŋ Øt Wuuö Jwøk, nee dhaanhø ma bøøl mo døøya ree nyikuŋ Jwøk nee tiete rwaagï yïth orøge, ni twöyï cwaage ko oguudi.

Jeremaya 29:26 Iomraidhean Croise

2 Nyeye 11:15

'Ba Jööda na näk Kwääy Lam Mana Dwøŋ, kwääc lwaa dïpe na näk ojierø bäät jø leny aköömme ni kööe jïge, ni «Kälu nyijøøgø wøk ki yïthakic jiy moa näk rege ege caanø; 'ba ŋato läp køør gø jaak wär putu 'näk ko opëëllö.» Kiper onø caan Dïlämi, ni «Eni kär nää yi Øt Wuuö Jwøk.»

2 Nyeye 11:18

Køøre jiy bëët gena ci øt jwøk mar Baal, ni nyaage gø piny; ni ö gïï wø cïp olämme bäätge mo Baal ki gïïa no otieŋø ni ŋwaalla kïte ni tøcge ge na thäŋi; ni 'näkge Matan na näk dïlämi mar Baal nyïm gïï wø cïp olämme bäätge. 'Ba Jööda na näk Kwääy Lam Mana Dwøŋ acïp Øt Wuuö Jwøk ki jø gwøk gø.

2 Nyeye 9:11

'Ba Jiyu aduu wøk baŋ kwääc jø leny mo nyeya mare; ni köge jïre, ni «?Bëëde nidïï? ?Aŋø, bøørøgø ööm ŋø baŋï?» 'Ba ena köö jïge, ni «Bäŋgø nyie. ?Teeŋ jøøgø wø caange ŋø cøøn?»

2 Luup Nyeye 16:10

Køøre Aca agootø ki nyikuŋ Jwøk ma Anani, ŋat wø joot jammi ki køør man wø nyooth Jwøki jïre, ni put gø kïth øt twöc, kiper cwïnye akëënynyö ki gø døc kiper luummögø. 'Ba yi kar kaaca, Aca aput tïmö ni jiy møøk di caannø thuwø.

2 Luup Nyeye 18:26

ni kööu, ni ‹Nyeya aköö ni kïthu nyeni øt twöc, ni mooyu eni ki cam mo thiinh ki pïï mo thenh këël kanyo duua ni bäŋ gïn mo otägö dëëra.› »

Jeremaya 29:27

?'Ba ennø, aperŋø nø na ba joogï Jeremaya nyï Anathöth ni køp luup jïïu enø?

Jeremaya 38:28

Køøre Jeremaya aput bëëte yi kal mar øt jø koor këël dïcäŋa ö Jerucalemmi na maai yie ki tøŋ.

Jeremaya 38:6

Køøre Jeremaya akälge, ni kïthge gø yi buur man wø cuŋ pïïyi yie mar o nyeya ma Malkiya, ni lwarge gø piny ki thøøli. 'Ba buurögø ena yi kal mar øt jø koor, ni yie bäŋ pïï, 'ba nuta onøt yie keere. Ni ö Jeremaya ni neemwøny piny yo onødøgø.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 21:23

'Ba Jecu adøny yi kal mar Øt Jwøk Mana Dwøŋ. 'Ba kanya bëëde ni eni pöö kaace, kwääc laam ki jaae gena ö baŋe ni pëënyge eni, na «?A teega ŋø ni wø tïïyï gïïögøøni ki gø? ?Na aŋa na wëëk teegøgø ïïni?»

Maak 3:21

'Ba na wïnynyi ya tuuŋge, gena ci wøk kuna makge gø, kiper gena köö, ni «Ena tïmö na bøøl.»

Jøøn 10:20

Ni kö mo thööthi, ni «Eni ree da anägö, ni ena dïbøøl. ?Aŋø ni cegu ïthu ki luumme?»

Jøøn 10:33

'Ba aløk jø Juuthi jïre, ni «Paa per tïïc mo beer noo këërwa ïïni kipere, 'ba beeye per ajaany. Kiper ïïna dhaanhø mo nëëna waani, ni tïïyï riï na Jwøk.»

Jøøn 8:53

?Aŋø, dwøŋŋa ïïni ki kwarwa ma Eeberam na thøw? Këël nyïïkuk Jwøk athøw. ?Ïïni, riï otïïyï gø na ŋa cøøn?»

Moa Tïïc Nyïïatwieli 16:24

'Ba na nø wïny luummögø døøc, gena kïth yi øtø mana en dï øt twöc, ni rwaak tietge yïth orøge.

Moa Tïïc Nyïïatwieli 26:11

Ni ge wø pööta pöötö cooth yïth uut acook lam bëët, naa manynya man wëëga geni jany nyeŋŋøgø. Ni gëëma ki geni këël mana pïïa tiet mïëc juurre, naa män ki geni døc.

Moa Tïïc Nyïïatwieli 26:24

'Ba kanya poot Pøølli ni caana luumme na enønø, Pecta dwøre atïŋ maal døc ni kööe, ni «Pøøl, ïïna bøøl, luupa thööth na kwanyï ïïna døøcge bøøl.»

Moa Tïïc Nyïïatwieli 26:25

'Ba Pøøl aköö, ni «Mara paa bøølø, ï na Pecta, nyigwaak. 'Ba a cara gïï ma adïëri.

Moa Tïïc Nyïïatwieli 4:1

'Ba kanya poot Piterri ki Jøøn ni ge cäänna jiy, kwääc laam ki kwääy lwaak mar jø wø koor Øt Jwøk Mana Dwøŋ, ki jø Cajucith, gena ö baŋge.

Moa Tïïc Nyïïatwieli 5:18

nyïïatwieli amakge ni kïthge ge øt twöc.

Moa Tïïc Nyïïatwieli 5:24

'Ba na ö kwäärö mar dïkuye mo Øt Jwøk Mana Dwøŋ ki kwääc laam na wïnyge luummögø, yïthge athäŋŋö, ni köge, ni «?Cuŋ gïn otïme na ŋø?»

2 Körin 11:33

'Ba aana gäp wøk ki dhwöŋŋö ki waŋ awëërnyeŋ mo ena dëër kiir, ni bødha cere.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.