Jeremaya 29:19 - Wëël Jwøk

¹⁹ Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 29:19 Iomraidhean Croise

Jeremaya 25:8

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Kiper mana käru luupa wïnynyö,

Jeremaya 26:5

ni ba wïnynyu luup mo jiya ma nyïïkuk Jwøk mo wø jääŋŋa baŋu cooth, kaawat man wø bëëdu ni luupge ba wïnynyu cooth,

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 44:3

kiper gïïa reyø na tïïc jiyi ni raanyge cwïnya ki køør mana bëëtge ni ge cïpö ko olämme mo wø waaŋ jï juu møøk ni ge tïnynya geni, ni beege juu mo kucge dïkwøŋ, ni uuni ki kwäyu juugögø kuyu thuwø.

Jeremaya 6:19

Wui, ï na piny, wïny gïn: Ka adïëri møn, a känna bäät jøøi ii ki gïn mo leth, ni beeye gïno duu acaare moge na reyø, kiper ïthge kärge ciiø ki luup 'moa, ni kweerge ki ciik 'moa thuwø.

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.