Jeremaya 29:18 - Wëël Jwøk

¹⁸ Ni løpa køørge ki tøŋ ki käc ki täw mo leth, ni tïïa geni nee akwöm mo nyeye bëët mo bäät piny yïthge thäŋge ki gïïo tägi dëëtge, ni tïïa geni na gïr acïëni, ni cwïny jiy böö ki gïno tägi dëëtge, na gïr abuua, ni ge di jøøŋŋø yïth mïëc wïth juurre bëët kwöro riema geni yïthge.

Jeremaya 29:18 Iomraidhean Croise

2 Luup Nyeye 29:8

Kiper manøgønø, Wuuö Jwøk awëër ki jø Juuda ki jø Jerucalem, ni jääl ge, ni tïïc ge na gïn böö cwïny jiyi ki gïrge, na gïr thäŋ ec, na gïr abuua, kaawat mana jootu gø ki nyeŋŋu.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Jeremaya 15:4

Geno tïïa nee tiet mïëri bëët mo bäät piny tïmge ni cwïnyge böö ki gïïo tägi dëëtge, ni beeye kiper gïna raac na tïïc Maneeca wär Edhekaya yi Jerucalem kanya bëëde na nyeny Juuda.

Jeremaya 18:16

'Ba ŋöömö marge oränynyi, ni tïme na gïr abuua na bäre bäre. Ni ö jiyi bëët mo opöödhi ki buute ni thäŋ yïthge, ni putge wïthge keny.

Jeremaya 19:8

Aani thuwø, pääny man tïïa tïïö nee ränynye, ni tïme na gïr abuua. Ni ö jiy bëët mo wø pöödhi ki buute ni buuge gø ni thäŋ yïthge kiper gïïo leth noo pïï dëër paani.

Jeremaya 24:10

Aani, mänye ki käc ki täw mo leth jääŋŋa jääŋŋö bäätge, këël mano thumge ki thøø yi ŋöömma cïba jïge ki kwäcge.»

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 27:8

« ‹'Ba ni näk mo da wï jur wala akwöm nyeya mo kweer ki man bëëde ni ena laŋŋø mar Nabukedenecör nyeny Babiløn, ni ba jïëy ki man bëëde tier teek mare na caal jaath puur man wø twöö ŋut rwaath, a na Wuuö Jwøk, wï jur manøce jääla jäälö, ni thøwge ko opëëllö ki käc ki täw mo leth, këël mano thööra geni ki cere.

Jeremaya 29:17

Luumma caan Wuuö Jwøki, eni na wïth jammi bëët, beeye en, ena köö, ni «Ennø, leny ki käc ki täw mo leth jääŋŋa jääŋŋö bäätge, ni wëëga geni ränynyö kaamar nyïïolämmi mo odheeth mo ba løny ki cam kiper mana näk mo geno kwäk.

Jeremaya 29:22

Ki køør mano tägi dëët jøøgø, jø Juuda bëët moa näk omaaø ki tøŋ na kïth Babiløn, geno bëëdö ni ge cïënö ni ge köö, ni ‹Wuuö Jwøk ïïno raanynye kaamar Cëdëkiya ka Akap na waaŋ nyeny Babilønni ki maac,›

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Edhikiel 12:15

«Kanyøgønø ŋäcge ŋääö ni bee aani na Wuuö Jwøk ki køør mano keetha geni dï wïth juurre ki yïth mïëri.

Edhikiel 22:15

Aani, u keetha keethø dï wïth juurre ki yïth mïëri; ni ö japa näk ba waany mou ni puta ge ŋuudö.

Edhikiel 23:46

«'Ba man beeye luumma caan Kwäärö Wuuö Jwøki, ena köö: Jääŋŋu lwaak baŋge ni wëëgu ge lwär ni twierru ge.

Edhikiel 36:19

Aani, gena keetha dï wïth juurre, ni putge nibay yïth mïëri; ni ŋøla luup moge ki køør bëëtö marge ki tïïe moge.

Edhikiel 5:15

'Ba kanyo jääla uuni ki køør wëër mara ni wø liel kaamar maac, ki juuk mo teek, uuno tïmö na gïr ajøøŋ na gïr ajaany, na gïr ŋwøc, ni tïmu ni uuna gïn böö wïth juurre ki ge moa en deŋŋu. Luummögø caana aani, a na Wuuö Jwøk.

Edhikiel 6:8

« ‹'Ba aani, jiy møøk dëëtu owiia ni kwøw, kiper jiy møøk dëëtu geno bøth dho opëëllö, ni keethge dï wïth juurre ki yïth mïëri.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 9:9

«'Ba ennø, aano cïpi ki dwøl, ni jiera jø Icriel moa en dï juurre kaawat man wø pieth beel ki luul, ni bäŋ waŋ aciel mo päth piny.

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Dhekaraya 7:14

'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »

Dhekaraya 8:13

Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Kwään Jiy 5:27

Kanyo nø wëëk nyijøøgø maath pïï, ni näk nyijøøgø dëëre ee raanynyø ni bääye dëër cwøre møn, pïï mo wø duunni ka acïëni oci yie ni duunne ki rääm mo dwøŋ dëëre, ni ö yie ni kwöde ni räny kar nyöödö mare; ni tïm dhaaŋŋøgø no ocienø dï jø poge.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 28:37

Køøre u tïmö ni uuna jiy mo cwïny bwøk ki geni kiper gïïa tägö dëëtu, ni tïmu ni uuna jø wø ŋäät dëëtge, ni bëëdu ni uuna gïr waac dï juurre bëët kwöro ö Wuuö Jwøki noo keeth uuni yïthge.

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.