Jeremaya 29:14 - Wëël Jwøk

¹⁴ Aano jootu møn, a na Wuuö Jwøk, ni duua uuni wøk ki yi bëët laŋ, ni lema uuni yïth mïëc wïth juurre bëët kwöra riema u yïthge bëët, ni duua uuni paana riema u wøk yie nou mak ki tøŋ.» Luummögø caana Wuuö Jwøki.

Jeremaya 29:14 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

Dut Pwøc 126:1

Dut Pwøc 46:1

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 43:5

Kärï lwäyö, kiper a nut buutï; jiy moo käl riï tïïa tïïö nee öge ki jï løø kur tuul-cäŋ, ni cuuŋa uuni ki jï løø kur pänh-cäŋ.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 55:6

Manynyu Wuuö Jwøk kany poode ni nut en; cwøllu eni kany poode ni kare cään en.

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 3:14

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:18

«Luumma caan Wuuö Jwøki beeye en, ena köö, ni ‹Ka adïëri møn, mïëc jiya ma nyïïkwaac Jeekap 'dwøga kwörge, ni nyoodha mëër mara jïge kwör bëëte moge. Jerucalem cäŋ ka geer wïïe mana no oränynyö, ni ö paan dwøŋŋi ni cäŋi dwøk kare mana dïkwøŋ.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 31:16

Man beeye mana caan Wuuö Jwøki, ena köö, ni «Weyu gøøc ko oduuru, ni pooyu pï nyeŋŋu, kiper öölö maru ba cam paapi; jø pou duuö ki yi ŋöömö mar nyïïmän.

Jeremaya 31:17

Ni ö ŋäädhe maru ni thur kare yi nyïme, kiper jø pou oduu yi ŋöömö mana näk thööŋge.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 51:10

« ‹Anyooth Wuuö Jwøki ni bäŋ ajäla bäätø; ööu, waa døø pøø ma Dhayan ni caanø gïna tïïc Wuuö Jwøki, Jwøk marø.›

Jeremaya 8:3

Jiy mo odööŋ røk jøøi na reyø ii, ni beege mo odööŋ kwöro riema geni yïthge bëët, otïmö ni ge para thøø buut kwøw.» Luummögø caana Wuuö Jwøki, eni na wïth jammi bëët.

Edhikiel 37:21

ni kööï jïge ni man beeye luumma caan Kwäärö Wuuö Jwøki, ena köö, ni ‹Ka adïëri møn, aani, jø Icriel käla wøk ki dï wïth juurre kwöra näk geno aa yïthge. Ge cuuŋa cuuŋö ki yïth kwörögø bëët ni duua geni yi ŋöömö marge;

Edhikiel 39:25

«Kiper manøgønø, man beeye luumma caan Kwäärö Wuuö Jwøki, ena köö, ni ‹Aani, nyïïkwaac Jeekap na mak ki tøŋ oduua, ni cïba cwïnya piny ki geni, ge na jø Icriel bëët, ni mara këëyö kiper nyeŋŋa na en kur keere.

Amøc 9:14

Jiya ma jø Icriel moa näk omaa ri leny oduua poge, ni cäŋge wïth mïëri moa no oränynyö geerrø, ni bëëtge yïthge; ni piithge jer omøki, ni maathge kwøk gø; ni tïïge ka ajïniine ni camge nyïïjer gø.

Mikiya 4:12

'Ba geni, gïna nø caara, a na Wuuö Jwøk, kucge, ni gïïo tïïa, tiere kär ci cwïnyge. Aani gena cooŋa kanya ciel kaawat man wø cooŋ ŋaaŋe yi laara, ni gïnögø tïïa naa jääla geni.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.

Wëëlö Mana Göör Pøølli Baŋ Jø Röm 10:20

Ni Aydheea cwïnye da cer kanya caan gø, ni «Aana joot jøøa kär many aani, ni nyoodha raa jï jøøa kär pëëny aani.»

Tiet Ciik 30:1

«'Ba kanyo nø täk gïïögø bëët dëëtu, ni beege gwïëth ka acëënne moa cïba nyïmmu, kanyo parru wïthu ki geni nou ena kwöra ö Wuuö Jwøki na näk Jwøu na keeth uuni yïthge dï wïth juurre bëët,

Tiet Ciik 30:3

kar kaaca Wuuö Jwøk na näk Jwøu cwïnye pädhö ki gïru, ni duu uuni ki kwöra näk uuno maa ki tøŋ yïthge, ni cooŋ uuni kanya ciel ki dï wïth juurre bëët moa keeth uuni yïthge.

Tiet Ciik 30:5

Ni ö Wuuö Jwøki na näk Jwøu ni duu uuni yi ŋöömma bëëdö na mar kwäyu, ni putu gø lwør na maru. Ni ö Wuuö Jwøki ni tïïc bëëtö maru ni beer, ni tïïc uuni nou thööth, ni tïmu nou kaala kwäyu.

Tiet Ciik 4:7

?Aŋø, da wï jur mørø mo dwøŋ mo jïge da jwøk mo kare cään ki geni, kaamar Wuuö Jwøk na näk Jwøø ni wø kare cään ki øøni, ni wø wïny lam marø kany wø kwaaø gø?