Jeremaya 29:13 - Wëël Jwøk

¹³ Aano manynyu ni jootu aani, kanyo näk maa manynyu manynyø ki cwïnynyu bäre.

Jeremaya 29:13 Iomraidhean Croise

1 Nyeye 2:4

kiper nee Wuuö Jwøk luumme mana caane kipera nee wëëk thur kare, na kööe, ni ‹Ni näk mo jiy moo käl dëërï wïthge koorge koorø ki bëëtö marge, ni bëëtge ni ge tïïya adïëri nyïma ki cwïnyge bäre, otïmö niï ba can ki ŋat pï piny bäät wälu mar jø Icriel.›

2 Nyeye 23:3

Kanyøgø, nyeya acuŋŋö buut wera mana en dhi øt Jwøk, ni tude ki luubö nyïm Wuuö Jwøk, nee eni bëëde ni caatha køør Wuuö Jwøk, nee gïïa cem Wuuö Jwøki, ki pwöc moe, ki ciik moe gwøe ki cwïnye bäre ka acaaye bäre, nee bëëde ni cäädhi ka køør luup moa no otuudö na no ogöör piny yi wëëlö manøgø. Ni ö jiyi bëët ni putge jïëy ki tut manøgø.

1 Luup Nyeye 22:19

'Ba ennø, cïpu cwïnynyu bäre ki jwïëyu bäre ni manynyu Wuuö Jwøk, Jwøk maru, ni tägu geer øtø mana en kur keere mar Wuuö Jwøk, kiper na acanduk man wø nyooth luumma tuut Wuuö Jwøki ki jiy, ki jammi moa perge leth mo Jwøk moa en kur keerge, nee käli ni kïthi yi øtø mano geer kiper nyeŋ Wuuö Jwøk.»

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

2 Luup Nyeye 22:9

Køøre Jiyu Akadhiya amanynye thuwø, ni makge gø kanya kan ree yie yi Cameria. Ni kälge gø baŋ Jïyu ni 'näkge gø. Køøre ena koonyge, kiper gena köö, ni «Ena nyikwaar Jøcapat, ŋata bëëdö ni manynya Wuuö Jwøk ki cwïnye bäre.» Kanyøgø aput tïmö ni bäŋ dhaanhø këët mo odööŋ mo mak buc nyec ki røk jø dhi øt Akadhiya.

2 Luup Nyeye 31:21

'Ba jammi bëët moa tïïe kiper Øt Wuuö Jwøk, atïïe ki cwïnye bäre ni manynya mana many Wuuö Jwøki, ni ciik Jwøk ki luup moa ceme ee gwøø; ni ö jammi moa tïïe bëët ni thurge karge jïre.

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 65:10

'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 3:10

'Ba këël na bëët coki ma Juuda na raac ni gïïögø bëët ŋääe, eni na Juuda kär duu baŋa ki cwïnye bäre, 'ba mare beeye cwøk keere.» Luummögø caana Wuuö Jwøki.

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Mathiew 7:7

«Pëëu, ocïp jïïu. Cääu, ojootu. Dööŋu, ojap jïïu.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [