Jeremaya 29:10 - Wëël Jwøk

¹⁰ 'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Jeremaya 29:10 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Jeremaya 25:11

Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 27:22

ni ‹Japøgø 'kïtha Babiløn, ni bëëtge kaace këël dïcäŋo cøøa baŋge, ni käla geni ni duua geni karge kany.› Luummögø caana Wuuö Jwøki.»

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 29:28

Kiper ena jääk baŋwa ki dwøl Babiløn, ni kööe, ni ‹Bëët laŋ maru känna wøk ki kany mo bäär; beerra man gëëdu ki uudi ni bëëdu yïthge, ni piithu pwöth, ni cammu gïï wø ciek yïthge.› »

Jeremaya 29:32

Kiper manøgønø, mana ŋøla, a na Wuuö Jwøk, beeye ni Cemaya nyï Nëyëlam ki nyïïkwaaye bëët ge jääla jäälö; eni bäŋ nyikwaare mo bëëdö ni kwøw dï jiy moi, ni eni gïïö beyø noo tïïa kiper jiya ba neene ki waŋe, kiper jiy apwönynye nee gëëmge ki Wuuö Jwøk.› Luummögø caana Wuuö Jwøki.»

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 33:14

«Wuuö Jwøk aköö, ni ‹Ka adïëri møn, da nïne mo öö, mo luumma beer na caana kiper jø Icriel ki jø Juuda wëëga thur kare.

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Ruuth 1:6

Køøre Naømi ki määr wääte atïŋŋö ki Möap, ni eni døøa poge, kiper awïnynye ni Wuuö Jwøk jiye ma jø Icriel akønye ni ciek caammi.