Jeremaya 28:4 - Wëël Jwøk

⁴ Ni duua Jekönaya wär Jeyöakëm nyeny Juuda kany ki jø Juuda bëët moa mak ki tøŋ na kïth Babiløn, kiper teek mar nyeny Babiløn na en bäätu ni caal jaath puur man wø twöö ŋut rwaath raanynya raanynyø.› Luummögø caana Wuuö Jwøki.»

Jeremaya 28:4 Iomraidhean Croise

Wïlöölö 27:40

Ïïno bëëdö na ŋat tøŋ, ni tïnynyï coku; 'ba kanyo cwat yiï ki bëëtö manøgø, teek mare ojarï wøk bäätï.»

2 Nyeye 24:14

Ni ö eni thuwø ni käl jø Jerucalem bëët, ni beege kwääc jø leny bëët, ki jø mo kwörge døøŋŋø bëët, ki rëëmme bëët, ni bäŋe jiy mo ee wiiø; ni jøøgø bëët jïtö ki kar kume apaar; 'ba beege jøøa can døc keerge na bëëdö yi ŋöömmögø na wiie.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Jeremaya 13:19

Dhøk kiiri mo päänye mo Nëgëp ocïëgi, ni bäŋe ŋat mo jap ge. Jø Juuda bëët omak ki tøŋ, ni käl ge bëët.

Jeremaya 2:20

«Ïïni, ki kany mo bäär ïïna kweer ki man bëënnï aani, a na Wuuö Jwøk, ni kweerï ki man jïëyï ciik 'moa; ni kööï, ni ‹Ï ba daa tïnynyö.› 'Ba ïïni, ïïna bëëdö na kääbi kanya wøørï juu møøk kwör lam moa en bäät thuuri moa bäyö, ki tiet jenni moa no onigïït piny bëët.

Jeremaya 22:10

Kär nou jwöŋö kiper Jöcaya, nyeya mana thøw, ni ba kïmmu kipere; 'ba jwöŋu ni yïthu you keeyø kiper Jeyöakac, nyeya mana mak ki tøŋ na käl, kiper eni ba duui këët, ni ŋööm poge ba neene.

Jeremaya 22:24

Wuuö Jwøk akööŋ ŋëëte keere, ni kööe jï Jekönaya wär Jeyöakëm, nyeny Juuda, ni «Këël doo na ï bëëdö kaamar ogut lweedø man ni pere leth ni cer cwïïa en, ï daa käla wøk.

Jeremaya 24:1

'Ba kanya nø ö Nabukedenecörri nyeny Babiløn na nø mak Jekönaya wär Jeyöakëm nyeny Juuda, ki jø kööre mo Juuda, ki rëëmme, ni maae Jerucalem ki tøŋ ni nø kïth geni Babiløn, Wuuö Jwøk anyuuthö jïra ko orööge ariiø mo päŋ ki nyïïolämmi mo ocïp piny nyïm Øt Wuuö Jwøk.

Jeremaya 24:5

ni «Man caana, a na Wuuö Jwøk, Jwø Icriel beeye en: Aani, jø Juuda moa riema wøk ki yi ŋöömmi en na mak ki tøŋ na kïth yi ŋööm jø Babiløn, ge raŋa raŋø ni beyø ni caala nyïïolämmi moi ni beyø ii.

Jeremaya 27:8

« ‹'Ba ni näk mo da wï jur wala akwöm nyeya mo kweer ki man bëëde ni ena laŋŋø mar Nabukedenecör nyeny Babiløn, ni ba jïëy ki man bëëde tier teek mare na caal jaath puur man wø twöö ŋut rwaath, a na Wuuö Jwøk, wï jur manøce jääla jäälö, ni thøwge ko opëëllö ki käc ki täw mo leth, këël mano thööra geni ki cere.

Jeremaya 28:10

Kanyøgø nyikuŋ Jwøk ma Ananiya jaath puur mana en ŋut nyikuŋ Jwøk ma Jeremaya akäl wøk ni toor gø.

Jeremaya 28:2

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Teek mar nyeny Babiløn na en bäätu ni caal jaath puur man wø twöö ŋut rwaath araanynya.

Jeremaya 29:1

'Ba nyikuŋ Jwøk ma Jeremaya agöödö ki wëëlö Jerucalem, ni jääŋ gø baŋ jø døøŋŋø moa näk odööŋ ni kwøw ri moa mak ki tøŋ, ki baŋ dïlämme, ki nyïïkuk Jwøk, ki jiy bëët moa mak Nabukedenecörri ki tøŋ Jerucalem ni kïth geni Babiløn.

Jeremaya 29:2

Wëëlö manøgø ajääŋŋe ni nyeya ma Jekönaya ki menni ma gwanynyø onø mak ki tøŋ Jerucalem ni nø kïth geni Babiløn, ni bee geni ki jø kööre ki jøøa kwörge døøŋŋø mo wø bëëdö Jerucalem ki dï Juuda bäre, ki rëëmme.

Jeremaya 30:8

«'Ba Wuuö Jwøk, eni na wïth jammi bëët, aköö, ni ‹Kanyo tïme na dïcäŋöce, teek dïïm mana en bäätge na caal jaath puur man wø twöö ŋut rwaath raanynya raanynyø, ni päda geni, ni bëëtge ni ge patha laaŋe këët jï jiy mo path.

Ciik Kiper Dïlämme 26:13

Beeye aani na Wuuö Jwøk, Jwøk maru, na käl uuni wøk ki yi ŋööm Ijep, kiper nou ba bëëdu ni uuna laaŋe moge, ni paanya bëët laŋ bäätu na caal jaath puur ni wø jøøny ŋut rwaath, ni tïïa uuni nou cäädhu ni wïthu you täärö jaak.

Neeyam 1:13

'Ba ennø, aani teek marge na en bäätu na caal jaath puur man wø jøøny ŋut rwaath raanynya raanynyø, ni cööta thøøli moa twöc uuni ki ge.»