Jeremaya 28:3 - Wëël Jwøk

³ Ki yïth cwiiri ariiø kiree, aani, jammi mo Øt Wuuö Jwøk moa käl Nabukedenecörri nyeny Babiløn, ni kïth geni Babiløn, 'duua kany.

Jeremaya 28:3 Iomraidhean Croise

Wïlöölö 47:28

Ni ö Jeekapi ni bëëde Ijep ki cwiiri apaar ka abïriiø; 'ba cwiiri moa beede ni kwøw beege cwiiri ma dïpa ki pïëraŋween ka abïriiø.

Wïlöölö 47:9

Ni kö Jeekapi jï Peerø, ni «Cwiiri moa beeda beege cwiiri ma dïpa ki pïëradäk, naa bëëdö naa wïdö jaak. 'Ba cwiiri moa beeda beege cwiiri mo nøk, ni beeda ki bëëtö mo leth; ni cwiiri moøgø nøka geni ki cwiiri moa beet kwäya dïkwøŋ ni ge wïdö jaak.»

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

2 Luup Nyeye 36:7

'Ba Nabukedenecör thuwø jammi møøk mo Øt Wuuö Jwøk akïth Babiløn ni kïth ge yi øt lam mare yi Babiløn.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.