Jeremaya 27:9 - Wëël Jwøk

⁹ 'Ba uuni, luup nyïïkuk Jwøk mou mo wø køp luup ki wïthge kär wïnynyu, ki luup jø adïëda mou, ki jiy mou mo wø car lääk, ka ajuuk mou, ki jiy mou mo wø thöödhö ki war, jø wø cäänö ki uuni, ni «Käru bëëdö ni uuna laaŋe mo nyeny Babiløn.»

Jeremaya 27:9 Iomraidhean Croise

Bwøth Wøk 22:18

«Dhaagø mo tïïya tïï thïëth jaak kär weyu ni kwøw.

Bwøth Wøk 7:11

Ni ö Peerø ni cwøl jøøa nyeŋge reegø ka ajuuk bëët, ni ö geni thuwø ni tïïcge jap ajuuk ni ŋwaalge ŋïï manøgø.

Pwöc Leec Wïc 19:27

Nyie wääda, ki man wïnynyï pwöc ni cäŋï gø weyø, beeye gaan wøk keere ki ri luup kwänynyö.

Aydheea 8:19

Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 23:25

«Aani, gïïa car nyïïkuk Jwøki mo wø køp luup tööt ki nyeŋŋa awïnynya ni ge köö, ni ‹Aana lägö, aana lägö.›

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 29:8

Kiper luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni «Uuni, nyïïkuk Jwøk mou moø ni en dïïu yøø ka ajuuk mou käru cøøkge, ni kär nou wïnynya lääk moge moa met yïthu ki ge nee ge läkge ki ge,

Edhikiel 21:29

Kiper gïï wø kööu no onyoodhø jïïu, ki gïï wø caru beege luup tööt; 'ba opëëllö ocïp ŋut jø raay ni 'näk geni. Cäŋ maneca apïï; caa mar ajäla mana näk aŋuudi aöö.

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.

Mikiya 3:7

Jø wø køp gïï mo ena nyïm, wïthge olääi, ni ö jø wø køp luup adïëda ni tïm nyeŋge ni law. Geni, ge bëët täärnyïmge ouumge ki lään wïc, kiper mano ö Jwøki noo ba løk marge.»

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Moa Tïïc Nyïïatwieli 8:11

Ni cekge ïthge ki luupe, kiper mana thääŋ yïthge ka ajwønne ki kany mo bäär.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Tiet Ciik 13:2

ni kööe, ni ‹Ö aa kuna caadhø køør juu møøk, ni tïnynyø geni,› ni teeŋ ŋatøgø cäänö kaper juu mo kuyu, këël na bëëde ni ŋïï wala gïn mo rëëma ec mana cääne kipere othur kare na adïëri,

Tiet Ciik 18:14

«Kiper juurre moo ŋøøpge lwørru wø leŋa gïr jø wø thöödhö ki war ki gïr jø adïëda. 'Ba uuni, Wuuö Jwøk na näk Jwøu uuna mäne ki man tïïyu teeŋ gïïögø.

Jøcua 13:22

'Ba jø Icriel thuwø Beelam o Beeyör, ŋat adïëda, anäkge ko opëëllö na aciel ki jiy møga bëët.

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Mana Nyooth 9:21

Ni cwïnyge kärge løø ki 'näk marge man wø 'näkge jiy, wala thïëth marge, wala käp marge, wala käw marge.