Jeremaya 27:18 - Wëël Jwøk

¹⁸ 'Ba ni näk mo gena nyïïkuk Jwøk møn, ni luum Wuuö Jwøk nut dhøkge, beerra man öge ennø ni kwacge Wuuö Jwøk, eni na wïth jammi bëët, nee jammi moa näk odööŋ yi Øt Wuuö Jwøk, ki moa näk odööŋ yi øt nyeny Juuda ki yi Jerucalem bäre, nee ba kïth Babiløn këët.

Jeremaya 27:18 Iomraidhean Croise

Wïlöölö 20:17

Køøre Eeberam alämö jï Jwøk; ni ö Jwøki ni køny Abimëlëk ki cïïe ki laaŋe moa näk mään moe, ni ö geni ni nyöötge ko obwöre.

1 Nyeye 18:24

'Ba u na nyïïkuk Baal, kwayu jwøk maru. Aani, Wuuö Jwøk kwaa kwaaø. Køøre Jwøk mano cïpi ki maac, beeye eni na Jwøk.» Kanyøgø, aløk jiyi bëët ni köge, ni «Manøgø beeye acaara mo beer.»

1 Nyeye 18:26

Køøre, geni rwaath mana no ocïbö jïge alwørge ni jiiŋge gø; ni kwaacge Baal ki mana täge ka amöölla këël mana këët dhöör, ni ge köö, «Wui Baal, løk kwac marwa.» 'Ba bäŋ dwøl mo owïnyö ni bäŋ gïn mo oløø jïge. 'Ba ge bëëdö ni ge miel deŋ gïn wø cïp olämme bääte mana tïïcge.

2 Luup Nyeye 32:20

'Ba nyeya ma Edhekaya ki nyikuŋ Jwøk ma Aydheea wär Amöth gena lämö kiper gïnögø ni jwöŋge dëër Jwøge na en maal.

Jeremaya 15:1

'Ba Wuuö Jwøk aköö jïra, a na Jeremaya, ni «Këël Modhe ki Camiel doo cuŋŋö nyïma ni kwaacge aani kiper jøøi ii, cwïnya ba daa løøa baŋge. Riem geni wøk nyïma, nee aacge.

Jeremaya 18:20

?Aŋø, gïn mo beer doo coolø ki gïn mo raac? Par wïïï ki mana cuŋŋa nyïmï kiperge, na cääna ki gïn mo beer na kar dhøkge, kiper nee wëër marï paanyï bäätge. 'Ba ennø, gena kunyö ki buur kipera.

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Jeremaya 7:16

'Ba Wuuö Jwøk aköö jïra, ni «Ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge; kär a kwaayï kiperge, kiper lam marï ba wïnynya.

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 22:30

«'Ba aana määnyö dïge ki dhaanhø mo geer kiir, mo cuŋŋö nyïma kanya no opädhö ri kiir, kiper nee paac ba raanynya; 'ba bäŋ dhaanhø mo yaa joodø.

Milkiya 1:9

«'Ba kawaane, u na dïlämme, ?aŋø ni ba kwayu Jwøk nø nee yie tïme ni bäth ki waani? ?Aŋø, ki køør teeŋ olämme mo wø cïpu yøø, løny jïre ki man pänh uuni ni yie met?» Gïnögø poot caana Wuuö Jwøki, eni na wïth jammi bëët.

1 Camiel 12:19

Køøre jiy bëët aköö jï Camiel, ni «Lämï jï Wuuö Jwøk Jwøk marï kiperwa, nee wa ba thøwa, wa na jiyï; kiper waani, raay mowa, bäätge amëënwa ki gïn ni raac en, ni beeye ki mana pëëwa ni röönyö ki nyeya.»

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.

1 Camiel 7:8

Køøre jø Icriel aköö jï Camiel, ni «Put bëëtö niï lämö kiperwa jï Wuuö Jwøk, Jwøk marwa, kiper nee wa kønye ceŋ jø Pilitin.»