Jeremaya 26:19 - Wëël Jwøk

¹⁹ ?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Jeremaya 26:19 Iomraidhean Croise

2 Camiel 24:16

'Ba kanya ö nyïïatwiel maalli na rwiec cere nee Jerucalem raanynye, Wuuö Jwøk cwïnye apädhö kiper gïna leth na tägö dëët jiy, ni kööe jï nyïïatwiel maal mana 'näk jiy, «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk ena buut laara mar Arawna nyï Jeebuc.

2 Luup Nyeye 32:20

'Ba nyeya ma Edhekaya ki nyikuŋ Jwøk ma Aydheea wär Amöth gena lämö kiper gïnögø ni jwöŋge dëër Jwøge na en maal.

2 Luup Nyeye 34:21

ni «Cou pëënynyu dwør Wuuö Jwøk kipera, kiper jiy bëët moa dööŋ Icriel ki Juuda, kiper luup mo wëël ciik man na joot en; kiper wëër mo dwøŋ mar Wuuö Jwøk aö bäätø kiper mana ö kwäyø ni kärge dwør Wuuö Jwøk jïëö ki køør luup moi bëët no ogöör yi wëël ciik man en.»

Bwøth Wøk 32:14

Kanyøgø Wuuö Jwøk cwïnye aware ki gïna dee tïïö na raac dëët jiye na caane.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 37:1

'Ba kanya ö Edhekaya na wïny gïnögø, eni abïïe moe aput jeeyø ki pänh cwïny, ni dwøl keeca dëëre, ni døny yi Øt Wuuö Jwøk.

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Jeremaya 26:15

'Ba ka adïëri møn, ni näk maa you nääö, wär ŋäyu nou käla kwör dhaanhø mo bäŋ gïn mo ee baaø bäätu, u ki dëëtu, ki bäät päänyi en, ki jiy mo wø bëëdö yie. Kiper ka adïëri møn, aana jääŋ Wuuö Jwøki baŋu nee luupi bëët ii caana jïïu nee wïnynyu.»

Jeremaya 26:3

Kanymør ni wïnyge wïnynyö, ni ö ŋati man nø ni wec uutjïëth tïïe moe na reyø; køøre cwïnya dwøga piny ki man ba tïïa gïna leth na caara ni daa tïïö dëëtge kiper raay moa tïïcge.

Jeremaya 44:7

«'Ba ennø, luumma caan Wuuö Jwøki, Jwø Icriel, eni na wïth jammi bëët, beeye en: ?Aŋø, aperŋø nø ni tïïyu gïn ni raac en, nou käla gïn mo leth bäätu keeru, nou thööra cwøw Juuda, ki mään, ko obwöre, ki moa en kööthi, ni tïme ni bäŋ dhaanhø mo weyu mo dööŋ dïïu en?

Amøc 7:3

Køøre Wuuö Jwøk cwïnye aware ni kööe, ni «Gïnögø ba tägi këët.»

Abakuk 2:10

Gïna caarï ki piny atïmö ni duua lään wïc bäät dhi øtø marï. Ki køør mana dïïrï wïth jiy mo thööth, ïïni ï bääya dëërï keerï.

Dhekaraya 7:2

'Ba kar kaagø jø Bëthël, jiy møøk ege nø jääŋŋö nee Wuuö Jwøk kwacge, ni beege Carëdher ki Regem-Melek ki jicge,

Kwään Jiy 16:38

Athääe moøgø atïmö ni ena kur keerge kanya cïp ge nyïm Wuuö Jwøk. Kiper manøgønø, athääe mo jøøgø na thøw ki køør raay moge yøø, wär thääth ni reep, nee tïme na rëëbi mar gïn wø cïp olämme bääte. 'Ba rëëbi manøgø otïmö na nyuudhi jï jø Icriel.»

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Moa Tïïc Nyïïatwieli 5:39

'Ba ni näk marge käla baŋ Jwøk, ge ba maaru böötö. Kanymør tïmö nou gëëmö ka Jwøk.»

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»