Jeremaya 26:15 - Wëël Jwøk

¹⁵ 'Ba ka adïëri møn, ni näk maa you nääö, wär ŋäyu nou käla kwör dhaanhø mo bäŋ gïn mo ee baaø bäätu, u ki dëëtu, ki bäät päänyi en, ki jiy mo wø bëëdö yie. Kiper ka adïëri møn, aana jääŋ Wuuö Jwøki baŋu nee luupi bëët ii caana jïïu nee wïnynyu.»

Jeremaya 26:15 Iomraidhean Croise

Wïlöölö 4:10

Ni kö Wuuö Jwøki, na «?Agïnaŋø na tïïyï enø? Dwør rem coku ajwöŋ baŋa ki tiet ŋøøm piny.

Wïlöölö 42:22

Ni kö Rubenni jïge, «?Aŋø, kära caanø jïïu ni käru bääyö dëër nyilaal? 'Ba mara käru wïnynyö. Neennu, kawaane ennø, ajäl remme aö bäätø.»

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

2 Luup Nyeye 24:22

'Ba nyeya ma Jöac, Dhekaraya anääe ni wïïe käre caarø ki Jööda wää Dhekaraya na nyooth mëër mare jïgø. 'Ba kanya tïm Dhekaraya ni manynya thøø, ena köö, ni «Wuuö Jwøk ïïno neene ni cool kwör dëërï.»

Pwöc Leec Wïc 6:16

Da gïï pinyi abïciel mo Wuuö Jwøk män ki ge, ni da bïrietge mo yie raac ki gø døc;

Pwöc Leec Wïc 6:17

beege nyeŋŋi mo raŋa jiy piny, ki leep ma twöt, ki ceŋ mo wø køny rem jøøa beyø piny,

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:34

Maya thuwø, rem jiy moa can na näk bäŋ gïn mo ege baaø akønynyï piny, ni joot remø marge ra abïï marï, ni jøøgø kärï joodø ni ge turö ki øtø. 'Ba këël na näk mo gïïögø bëët ii tïïö,

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 26:12

'Ba Jeremaya acäänö ki jøøa kwörge døøŋŋø bëët ki jiy bëët, ni kööe, ni «Wuuö Jwøk aana jääŋŋe nee luup moa wïnynyu bëët yøø køba dëër Øt Wuuö Jwøk man en ki päänyi en.

Jeremaya 30:1

Man beeye dwør Wuuö Jwøk, Jwø Icriel, mana caane jï Jeremaya, ena köö,

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Kwään Jiy 35:33

«'Ba ciik moøgø dou gwøø nee ŋöömö mano bëëdu yie nee ba ränynye. Kiper køny remø piny, ŋöömö di raanynyø; ni bäŋ gïn mo wëënna bääyö yi ŋöömö mo remø okøny piny yie, ni näk mo paa rem ŋata køny rem dhaanhø piny keere.

Mathiew 26:25

Kanyøgø Juudac ŋata ŋeew ree ki Jecu aköö, ni «?Beeye aani, Dïpööy?» Ni dwøgi ya Jecu jïre, na «Acaanï na kare.»

Mathiew 26:4

ni määnyge ki jöö, kiper nee Jecu makge mëëth ki piny nee 'näkge.

Moa Tïïc Nyïïatwieli 7:60

Ni këël cøŋŋe piny ni kööe ki dwøl mo päl, ni «Kwäärö, kär gïn ni baacge en wiiï bäätge.» 'Ba na nø caan gïnögø, ena thøw.

Tiet Ciik 19:10

Gïnögø otïïyu kiper nee dhaanhø mo bäŋ ajäla bääte nee remme ba køny piny dï ŋöömö maru mano cïp Wuuö Jwøki na näk Jwøu noo dööŋ jïïu na maru, nee bäŋe kwör mo en bäätu.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»