Jeremaya 26:11 - Wëël Jwøk

¹¹ Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 26:11 Iomraidhean Croise

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 26:16

'Ba jøøa kwörge døøŋŋø ki jiy bëët aköö jï dïlämme ki nyïïkuk Jwøk, ni «Ŋati en mare ba doo ŋøla yi thøø, kiper ena cäänö jïïø ki nyeŋ Wuuö Jwøk, Jwøk marø.»

Jeremaya 38:4

Køøre jøøa kwörge døøŋŋø gena köö jï nyeya, ni «Ennø, beerra man 'näk nyenøgø, kiper eni bäätha bäät jø leny ki jiy bëët moa näk odööŋ yi pääny man ki køør luup moa care jïge. Kiper nyenøgø ba many bëënynyö mar jiy moi, 'ba eni manynya ränynyö marge.»

Mathiew 26:66

?Agïnaŋø ni caarru kipere?» Ni dwøgi ya jiyi jïre, ni «Eni rømi ka thøø!»

Jøøn 18:30

Ni köge jïre, «Onää nyenøgø paa ŋat raay, ba dewa käl baŋï.»

Jøøn 19:7

'Ba aløk jø Juuthi jïre, ni «Jïwa da luubö ri ciik Jwøk, 'ba ki køør luummögøøni, eni doo nääö kiper na døøc ree O Jwøk.»

Moa Tïïc Nyïïatwieli 22:22

'Ba kanya poot Pøølli ni luum juurre poot käre caanø, lwaak ïthge ege ciiø jïgø. 'Ba kanyøgø döötge atïŋge maal, ni köge, ni «Aayï ki teeŋ ŋat ma enøgønø nee tïme ni tøør bäät piny! 'Nägï, kiper ba doo beer ki man kwøe!»

Tiet Ciik 18:20

'Ba nyikuŋ Jwøk mo caana luup ki nyeŋŋa jaak ki wïïe keere, ni eni kära köömmö ki man caan ge, wala mo cäänö ki nyeŋ juu møøk, nyikuŋ Jwøk manøca doo nääö.›

Pïëmme 6:30

Køøre jø paanøgø gena ö baŋ Jöac ni köge, ni «Käl wäädï wøk nee thøøe ennø, kiper eni gïn wø cïp olämme bääte mana näk otïïö kiper jwøk, ni beeye Baal, araanynye, ni ö jaadha näk ocaa ri jwøk, ni beeye Acara, na näk ocwöth piny buut gïn wø cïp olämme bääte manøgø ni ŋøt gø piny.»