Jeremaya 25:7 - Wëël Jwøk

⁷ «'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 25:7 Iomraidhean Croise

2 Nyeye 17:17

Ni waaŋge wäätge ki nyïïge no olämme jï juu møøk, ni tïïge ki jap adïëda, ni thööthge ki war, ni gathge dëëtge ki man tïïge ki gïï mo nëëni ni reyø ki jï Wuuö Jwøk, ni ge tïïya Wuuö Jwøk nee goote.

2 Nyeye 21:15

kiper gena bëëdö ni ge tïïya gïï mo nëëni ni reyø ki jïra, ni bëëtge ni ge tïïya aani naa goota ki mana täge ki dïcäŋa ö kwäcge wøk ki Ijep këël dïcäŋi en.»

2 Luup Nyeye 24:19

Køøre Wuuö Jwøk nyïïkuk moe ajääŋŋe baŋ jiy nee ge duuge baŋe, eni na Wuuö Jwøk. 'Ba këël na bëët nyïïkuk Jwøki ni cäänna geni kiper gïïa reyø na tïïcge, ïthge kärge ciiø.

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Pwöc Leec Wïc 8:36

'Ba ŋato ba joot aani raanynya dëëre keere, ni jø wø män ki aani bëët, mëër ka thøø.»

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 25:8

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Kiper mana käru luupa wïnynyö,

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 44:7

«'Ba ennø, luumma caan Wuuö Jwøki, Jwø Icriel, eni na wïth jammi bëët, beeye en: ?Aŋø, aperŋø nø ni tïïyu gïn ni raac en, nou käla gïn mo leth bäätu keeru, nou thööra cwøw Juuda, ki mään, ko obwöre, ki moa en kööthi, ni tïme ni bäŋ dhaanhø mo weyu mo dööŋ dïïu en?

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.