Jeremaya 25:32 - Wëël Jwøk

³² Man beeye mana caan Wuuö Jwøki, eni na wïth jammi bëët, ena köö, ni «Ennø, gïï mo leth onyaay, ni tägi ka baŋ wï jur man nø, ni pïïe baŋ wï jur man nø. Mäny mo teek oööi kaamar atuunna, ni tägi ka ya aŋuun piny.»

Jeremaya 25:32 Iomraidhean Croise

2 Luup Nyeye 15:6

Paac man nø këëdö ki paac mør, ni ö päänynyi man nø ni këëde ki pääny mør, kiper gena wëëk Jwøki jwør gïï mo leth ma teeŋi.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 23:19

'Ba ennø, wëër mar Wuuö Jwøk öö bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 30:23

'Ba ka adïëri møn, wëër mar Wuuö Jwøk öa bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 6:22

Luumma caan Wuuö Jwøki beeye en, ena köö, ni «Ka adïëri møn, da wï jur mo öö ki yi paana en wï-piny, ni beeye wï jur mo teek mo ööa maal mo käla paac mo bäär.

Jeremaya 6:23

'Ba ceŋge da athëëre ki tøøŋi. Gena jiy mo näk marge raac døc, ni cwïnyge ba pädhi ki näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge uuni, u na jø Dhayan!»

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Luk 21:10

Kanyøgø Jecu aköö jïge, ni «Paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør.

Luk 21:25

«'Ba dëër cäŋ ki dwääy ki ceer ojïti ki ŋïïce; 'ba yi pinyi en, mïëri ojïti ki bëëtö mo leth, ni thäŋ yïthge ki lwör mar naama dwøŋ ka athage.