Jeremaya 25:30 - Wëël Jwøk

³⁰ «'Ba ï na Jeremaya en, luupi bëët ii wär køpï ni caanï geni dëëtge, ni kööï jïge, «ni ‹Wuuö Jwøk omäri ni eni ena maal, ni nyootha wëër mare, ni dwøre ee tïŋ maal ni eni ena kar bëëtö mare na en kur keere; ni märe døc bäät jiye. Ni ö eni ni tïŋ dwøre maal bäät jø wø bëëdö bäät piny bëët, ni dwøre ena maal kaamar dööt jø wø cwöth nyïïomøki ki tietge.

Jeremaya 25:30 Iomraidhean Croise

2 Camiel 15:25

Kanyøgønø, nyeya aköö jï Dhadök, na «Acanduk mar Jwøk dwøk yi pääny. Kanymør Wuuö Jwøk met ec mare nyoodhe nyoodhø jïra, ni cäŋ aani duu kany, ni cäŋ a tïïyö na acanduk mare ki kar bëëtö mare jooda.

1 Nyeye 9:3

Ni kö Wuuö Jwøki jïre, ni «Lam marï ki kwac mana kwayï aani ki gø awïnynya; 'ba Øt Jwøk mana geerï enø, anø cïba kur keere na mara, naa tïïya nyeŋŋa nee bëëde ni ŋäc kaace na bäre bäre, ni bëëda naa raŋŋa øtø manøgø cooth ki cwïnya bäre.

2 Luup Nyeye 30:27

Køøre jø tuuŋ Libay moa näk dïlämme gena ö maal ni gwïëthge jiy, ni ö döötge ni wïnynyi ya Jwøki, ni ö lammi marge ni pïïe kanya en kur keere na näk kar bëët Jwøk maalø.

Aydheea 16:9

Kiper manøgønø, a jwöŋö ni yia yaa keeyø døc kiper Jadher ki pwöth omøki mo Cebama. Wui, ï na Ëcbön ki ï na Eliyali! Pï nyeŋŋa wëëga nathar bäätu. Kiper kwöŋŋö mar met ec mana wara wïnyö yïth pwöth nyïïjenni mo wø ciek ki cwiir, ki mana wara wïnyö kwör kac mou, aŋøl.

Aydheea 33:3

Wui Wuuö Jwøk, kany wø määr dwørï, jiy puta bwøk, ni kany wø ööï maal, wïth juurre puta keethø.

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Jeremaya 17:12

Kar wäl ajiem na kare dwøŋ cøøn wïlöölö, beeye kar lam marø na en kur keere.

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 48:33

Otïmö ni bäŋ dïlweel mar met ec ki dwør met ec yïth pwöth Möap mo wø ciek ki cam mo päl; kwøŋ otïïa ni bäŋgø yïth dääk nyööbö, ni bäŋ ŋat mo nyööbö këët ki køøŋø mo kwöŋŋö ni yie met. 'Ba këël ge doo kwöŋŋö, kwöŋŋö marge patha mar met ec.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Amøc 1:2

Ena köö, ni «Wuuö Jwøk märö yi Dhayan, ni køp dwøre yi Jerucalem; ni ö kwör wø kwaac dïëk yïthge ni talge, ni ö luummi mana en bäät Kïn Karmël ni bäbe.»

Amøc 3:8

'Ba ennø, ŋuu anø määr; ?A ŋata ŋa ni ba lwäyi? Wuuö Jwøk mare anø caane; ?Aŋa no män ree ki man køp luummögø?

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Tiet Ciik 26:15

Awuuö Jwøk, beerra man lwïthï piny ki kar bëëtï na en kur keere maal, ni gwïëthï jiyï ma jø Icriel, ki ŋöömö na cïpï jïwa, ni beeye ŋöömma näk caak ki maar kïc päl yie, kaawat mana kööŋï ki gø jï kwäcwa.›

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.