Jeremaya 25:3 - Wëël Jwøk

³ ni «Ki yïth cwiiri moi na pïërariiø kurdäk ii, ki mana täge ki ra aŋuun cwiiri apaar kurdäk moa beet Jöcaya wär Amön ni ena nyeny Juuda, këël dïcäŋi en, dwør Wuuö Jwøk abëëdö ni öa bääta, ni cara gø jïïu cooth, 'ba dwøre käru wïnynyö.

Jeremaya 25:3 Iomraidhean Croise

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

1 Nyeye 22:3

'Ba nyeny Icriel onø köö jï jø kööre moe, na «?Aŋø, kuyu ni Ramöth-Gelät marø, ni poodø ni bäŋ gïn tïïø en ki man kälø gø wøk cer nyeny Aram?»

2 Nyeye 17:13

'Ba jø Icriel ki jø Juuda ge wø kööm Wuuö Jwøki köömmö ki dhøk nyïïkuk Jwøk bëët ki dhøk jø wø joot jammi ki køør man wø nyooth Jwøki jïge, ni kööe, ni «Weyu uutjïëth raay mou ni gwøgu gïïa cema ki ciik 'moa na en ri pwöc 'moa bëët moa köömma kwäyu ki gø, ni beege na jääŋŋa baŋu ki dhøk jiya ma nyïïkuk Jwøk.»

2 Luup Nyeye 24:19

Køøre Wuuö Jwøk nyïïkuk moe ajääŋŋe baŋ jiy nee ge duuge baŋe, eni na Wuuö Jwøk. 'Ba këël na bëët nyïïkuk Jwøki ni cäänna geni kiper gïïa reyø na tïïcge, ïthge kärge ciiø.

2 Luup Nyeye 34:1

'Ba kanya tïm Jöcaya na nyeya, cwiic dööŋö moe abära, ni bëëde ni ena nyeya ki cwiiri ma pïëradäk kurciel yi Jerucalem.

2 Luup Nyeye 34:3

Kiper kanya tïm cwiiri moe na abära bäät nyec ni eni poot thiinh, ena tägö ki man many Jwøk, Jwø kwari ma Deebit; 'ba na tïm cwiiri moe na apaar kurriiø bäät nyec, jap juuga reyø na en yi Juuda ki yi Jerucalem atääe ki man raany ge, ni beege kwör lam moa no otïïö bäät thuuri, ki jera no ocaa ri jwø wø cwøl na Acara, ki kït gïï wø lam moa näk otieŋø ki moa näk oleenyø.

2 Luup Nyeye 34:8

'Ba kanya tïm cwiic Jöcaya na apaar ka abära bäät nyec, ni ŋööm paare ki yi Øt Wuuö Jwøk ee nø tïïc ni waany, eni Capan wär Adhaliya, ki Maycëya na bëëdö na kwääc pääny, ki Jöa wär Jeyöakac ni wø göör luup akwöma piny, gena jääŋŋe kuna cäŋge Øt Wuuö Jwøk, Jwøk mare, tïïyö ni nyään.

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Bwøth Wøk 8:20

Køøre Wuuö Jwøk aköö jï Modhe, ni «Ö maal ka amöölla cøøn ni nyoothï riï jï Peerø kanyo ci naam, ni caanï gø jïre ni kööï, ni gïna caan Wuuö Jwøki beeye en, ena köö, ni ‹Wec jiya nee aacge, kiper naa tïnyge.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Jeremaya 1:2

Jeremaya beeye ŋata ö dwør Wuuö Jwøki bääte yïth nïra beet nyeya ma Jöcaya wär Amön na nyeny Juuda, ni beeye kanya päŋ cwiic nyeci moe na apaar kurdäk.

Jeremaya 11:7

Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 22:21

Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 25:4

«Ni ö Wuuö Jwøki ni bëëde ni jääŋŋa jiy moe ma nyïïkuk Jwøk baŋu cooth, 'ba dwøre käru wïnynyö ni ïthu käru ciiø.

Jeremaya 26:5

ni ba wïnynyu luup mo jiya ma nyïïkuk Jwøk mo wø jääŋŋa baŋu cooth, kaawat man wø bëëdu ni luupge ba wïnynyu cooth,

Jeremaya 29:19

Kiper geni, luup 'moa, a na Wuuö Jwøk, kärge wïnynyö, ni beege luup moa cara jïge cooth ki dhøk jiya ma nyïïkuk Jwøk. Ni uuni thuwø, u na mak ki tøŋ, dwøra käru wïnynyö.

Jeremaya 32:33

Ni öge bëët ni luuge ŋäthge baŋa ni patha nyïmge; ni këël na bëëda naa pwönynya geni cooth, ïthge kärge ciiø nee pwöc wïnyge.

Jeremaya 35:14

'Ba luup Jönadap o Rëkap na kööm wääte ki geni, nee geni ba mäthge ki køøŋø, agwøkge; ni ge kär mädhö ki køøŋø këël dïcäŋi en, kiper gïna ö kwarge na kööm geni ki gø atïïcge na kare. 'Ba aani, aana cäänö ki uuni kwöre mo thööth, 'ba uuni, mara käru wïnynyö.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:1

'Ba kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, dwør Wuuö Jwøk aö bäät Jeremaya ni kööe,

Jeremaya 36:2

ni «Lwötï ki warakata ni göörï luup yie bëët moa caana jïrï kiper jø Icriel ki jø Juuda, ki wïth juurre bëët, ki mana täge ki dïcäŋa kwøŋa cäänö ki ïïni, kanya bëët Jöcaya na nyeya, këël dïcäŋi en.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:25

'Ba ki mana täge ki kanya ö kwäyu wøk ki Ijep këël mana këët dïcäŋi en, aana bëëdö ni jiya ma nyïïkuk Jwøk 'moa bëët, jääŋŋa jääŋŋö baŋu cooth.

Edhikiel 33:4

'Ba ŋato wïny dwør tuuŋ ni bëëde ni bäŋ gïn mo lääŋŋe kiper gø, ni näk mo opëëllö ööa bääte ni raany jwïëy moe, remø mare tïmö ni ena bääte keere.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Maak 1:35

'Ba ni piny poot na amöölla døc ni piny cøl, Jecu apäy ni aa paap kany mo bäŋ jiy yie, ni läme kaace.

Jøøn 8:2

'Ba na tïme na amöölla cøøn, ena cäŋ duu Øt Jwøk Mana Dwøŋ. Ni ö jiyi bëët baŋe, ni pï piny ni pwöny geni.

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.