Jeremaya 25:29 - Wëël Jwøk

²⁹ Kiper ennø, aana nø tägö ki man jääŋŋa gïn mo leth bäät pääny mana näk cwøla ri nyeŋŋa. ?A uuni, uuno bøthu nidïï nø nou ba jääla? Uuni, u ba bøth ka ajäla. Kiper mäny 'käla bäät jiy bëët mo wø bëëdö bäät piny.» Luummögø caana Wuuö Jwøki, eni na wïth jammi bëët.›

Jeremaya 25:29 Iomraidhean Croise

1 Nyeye 8:43

beerra man wïnynyï gø kany wø bëëdï yie maalø, ni tïïyï gø ki køør gïïa pëënynye bëët, nee nyeŋŋï ŋäc jø bäät pinynyi bëët, niï lwäärge kaawat man wø tïïc jiyï ma jø Icriel, nee ŋäcge møn ni øtø man ni yaa geerø en, cwøla ri nyeŋŋï.

Pwöc Leec Wïc 11:21

Ka adïëri møn, ŋata raac bäŋ wø kääŋi ka ajäla, 'ba nyïïkwaac jøøa marge beer di piemø.

Pwöc Leec Wïc 11:31

?Ni näk mo ŋata mare beer di cunnö bäät piny kany, a ŋat raay ki ŋat wø tïïc gïï mo reyø okääŋge nidïï?

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Jeremaya 13:13

Køøre caanï caanø jïge ni mana ŋøl Wuuö Jwøki beeye en, ena köö, ni ‹Ennø, aani jiy bëët mo wø bëëdö yi ŋöömmi en jääla jäälö, ni tïïa geni kaamar jiy mo ojäŋ ki kwøŋ ni ge meeyø, ni beege nyeye mo wø läw bäät wäl Deebit, ki dïlämme, ki nyïïkuk Jwøk, ki jiy bëët mo wø bëëdö Jerucalem.

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 46:28

Wui, u na nyïïkwaac dhaanhnha ma Jeekap, käru lwäyö, kiper a nut buutu. Aani, tiet wïth juurre moo riema uuni yïthge bëët raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.»

Jeremaya 49:12

Kiper man caan Wuuö Jwøki en beeye en: «?Ni näk mo jøøa näk athöönh ajäla ba dege maadhø, maathge maadhø, uuno kääŋu nidïï ni ba maathu? U mäthö, ni ba kääŋu ka ajäla.

Edhikiel 14:17

«'Ba ni näk mo opëëllö yaa jääŋŋö yi ŋöömö marge ni kööa, ni ‹Beerra man ö opëëllö ni wïr dï ŋöömö marge bäre,› ni ööa ni nääa geni ki lääy moge,

Edhikiel 14:21

'Ba luumma caan Kwäärö Wuuö Jwøki bee en, ena köö, na «A teeŋ ränynyö mo nyïëdi noo tägi kanyo jääŋŋa ajäle aŋween 'moa mo reyø bäät jø Jerucalem, ni beege opëëllö, ki käc, ki lääc paap, ki täw, nee ge nääa ki lääc paac moge!

Edhikiel 38:21

Aani opëëllö okäla ni jääla jic Göök bäät kïte 'moa bëët. Luummögø caana aani, a na Kwäärö Wuuö Jwøk. Ŋati man nø wati onääe ko opëëllö mare.

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Obadiya 1:16

Kaawat mana bëëdu nou mädhö jaak bäät kïnna na en kur keere, wïth juurre bëët thuwø geno bëëdö ni ge mädhö jaak. Geno mädhö ni bøømge, ni tïmge kaamar gïn mo bäŋgø na bäre bäre.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Luk 23:31

?Ni näk gïn tïïcge ni jaath poot mar, agïnaŋø noo tägi kanyo tale?»

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?