Jeremaya 25:18 - Wëël Jwøk

¹⁸ ni beege jø wø bëëdö Jerucalem ki yïth päänye mo Juuda, ki nyeye moge ki jøøa kwörge døøŋŋø moge, nee putge ränynyö, ni tïmge ni cwïny jiy böö ki gïno tägi dëëtge, na gïr abuua, na gïr acïëni, kaawat man bëëde yïth nïne moi ii.

Jeremaya 25:18 Iomraidhean Croise

1 Nyeye 8:24

Luumma caanï jï dhaanhnhï ma wära ma Deebit agwøgï, ni beeye mana caanï ki dhiï na wëëgï thur kare, kaawat man bëëde dïcäŋi en.

2 Nyeye 22:19

ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni ge tïmö ni gena jøw mo cwïny pädhö ki gïrge ni geno nipäät, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

2 Luup Nyeye 29:8

Kiper manøgønø, Wuuö Jwøk awëër ki jø Juuda ki jø Jerucalem, ni jääl ge, ni tïïc ge na gïn böö cwïny jiyi ki gïrge, na gïr thäŋ ec, na gïr abuua, kaawat mana jootu gø ki nyeŋŋu.

Edhera 9:7

Ki mana täge ki røk nïra beet kwäcwa këël dïcäŋi en, wa bëëdö ni wa tïïö ki raay mo døøŋŋø, 'ba ki køør raay mowa, waani ki nyeye mowa ki dïlämme mowa, waana cïp ceŋ nyeye mo wïth juurre, ni ŋar waani, ni mak waani ki tøŋ, ni twier waani, ni tïm wïthwa ni laay këël dïcäŋi en.

Neemiya 9:36

«'Ba ennø, ka adïëri møn, waana laaŋe dïcäŋi ennø; waana laaŋe møn yi ŋöömma cïpï jï kwäcwa nee bëëtge ni ge cama caammi mo wø ciek yie ki gïïa beyø mo wø ciek yie.

Aydheea 40:23

Bee eni ni wø dwøk kwääri piny ni tïïc ge kaamar gïn mo bäŋgø; ni bee eni ni wø tïïc dïŋut luup mo bäät piny kaamar gïn mo bäŋ tiere.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Jeremaya 13:3

Ni ö dwør Wuuö Jwøki ni cäŋ ö bääta ri rietge, ni kööe,

Jeremaya 13:9

ni «Mana ŋøla, a na Wuuö Jwøk, beeye en, aana köö, na ‹Atöör mana dwøŋ mar jø Jerucalem ka atöör mar jø Juuda møga bëët raanynya raanynyø kaawat mana räny abïïnögø.

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 25:11

Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Edhikiel 30:7

Geni, ge ränynyö yïthakic mïëri moa no oränynyö, ni ö päänye moge ni päthge yïthakic päänye moa no oniruuth piny.

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Amøc 2:5

Kiper manøgø nø, maac ojääŋŋa Juuda, ni waaŋ uudi moa teek na en dï Jerucalem.»

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Jøcua 6:18

'Ba uuni, dëëtu wär gwøgu ki gïïa näk onø wëëk uuni nee raanynyu na bäre bäre, kiper ni näk mo uuno lwötö rege, tïmö nou käla aranya bäät twïër mar jø Icriel, ni kännu bääte ki gïn mo leth.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?