Jeremaya 25:15 - Wëël Jwøk

¹⁵ Man beeye luumma caan Wuuö Jwøki jïra, eni na Jwø Icriel, ena köö, ni «Lwør athöönh ajäla man ni yie da køøŋø ni en cera en, ni nyootha wëër mara, ni cïpï gø jï wïth juurre moo jääŋŋa ïïni baŋge bëët nee maathge.

Jeremaya 25:15 Iomraidhean Croise

Jööp 21:20

Beerra man joot ajäla mare ki waŋe kiree; beerra man mäthe ka ajäla mar wëëc Jwøk na en teeki jïre.

Aydheea 14:26

«Manøgø beeye acaara mana no ocïp piny kiper ränynyö mar bäät piny bäre, ni manøgø beeye cer ajäla mana no orwieø nee wïth juurre bëët raanynye.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:22

Man bee gïna caan Kwäärö Wuuö Jwøk, Jwøk maru, eni ni wø bëëdö ni pïëmö kiper jiye, ena köö, ni «Ka adïëri møn, aani, athöönh wëër mana cïba jïïu, na tïïc uuni nou bøømmø, akäla wøk ceŋŋu, nou ba cäŋ mäthö ki gø këët na bäre bäre.

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Jeremaya 36:2

ni «Lwötï ki warakata ni göörï luup yie bëët moa caana jïrï kiper jø Icriel ki jø Juuda, ki wïth juurre bëët, ki mana täge ki dïcäŋa kwøŋa cäänö ki ïïni, kanya bëët Jöcaya na nyeya, këël dïcäŋi en.

Jeremaya 43:11

Eni öö ni tuk Ijep, ni ö jøøa näk marge thøø ni thøwge, ni ö jøøa näk marge mäk ki tøŋ ni mak geni ki tøŋ, ni ö jøøa näk marge 'näk ni 'näk geni ko opëëllö.

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Jeremaya 46:1

'Ba dwør Wuuö Jwøk mana caane kiper wïth juurre acaane jï nyikuŋ Jwøk ma Jeremaya,

Jeremaya 48:26

«Möap wär maathu ki køøŋø ni meere, kiper eni dëëre atïïe ni dwøŋ bääta, a na Wuuö Jwøk; Möap oŋïëli yïth ŋwøk moe, ni ö jiyi ni ŋïërge bääte.

Jeremaya 49:12

Kiper man caan Wuuö Jwøki en beeye en: «?Ni näk mo jøøa näk athöönh ajäla ba dege maadhø, maathge maadhø, uuno kääŋu nidïï ni ba maathu? U mäthö, ni ba kääŋu ka ajäla.

Jeremaya 51:7

Babiløn abëëdö ni ena cer Wuuö Jwøk kaamar ogubany warkey mar ajäla, na wëëk bäät piny bäre meerø. Eni, wïth juurre bëët mo bäät piny amaadhe ki køøŋ ogubanynyøgø ni meerge, ni putge bëëdö kaamar bøøre.

Edhikiel 23:32

«'Ba man beeye luumma caan Kwäärö Wuuö Jwøki kiperï, ena köö, «na ‹Athöönh gïna leth mar coku maathï maadhø, ni beeye athöödhi mo dwøŋ mo yie laac; jiy oŋeethi bäätï ni buuge ïïni, kiper mana näk mo opääŋö døc.

Edhikiel 23:33

Ïïno meer døc ki gïna en yie ni kïmmï, kiper beeye athöödhi mo kännö ki lwär mo dwøŋ ki ränynyö, ni beeye athöödhi mar coku ma Cameria.

Edhikiel 29:12

Aani, ŋööm Ijep tïïa tïïö nee dööŋe ni bäŋ gïrpiny yie yïthakic mïëri moa no oränynyö; ni ö päänye moe ni putge dööŋŋe no oränynyö ki cwiiri ma pïëraŋween yïthakic päänye moa no oniruuth piny cøøn. Ni puta jø Ijep keethø yïthakic wïth juurre ki yïth mïëri.›

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Obadiya 1:16

Kaawat mana bëëdu nou mädhö jaak bäät kïnna na en kur keere, wïth juurre bëët thuwø geno bëëdö ni ge mädhö jaak. Geno mädhö ni bøømge, ni tïmge kaamar gïn mo bäŋgø na bäre bäre.

Abakuk 2:16

Ïïno bëëdö no otaaø na kar mana di ïïni jiemø. Ennø, ï ki dëërï, ï luunynya mäthö niï dööŋï ki dëërï. Wuuö Jwøk athöönh køøŋ ajäla mar cer cwïïe ï maadhe maadhø ki gø, ni ö ajiemmi marï ni wiil ree ki lään wïc.

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 14:19

Kanyøgø nyïïatwiel maal manøgø manyjil mare awïre bäät piny ni kac nyïïomøki mo piny, ni leeŋ ge yi buur wø biic nyïïomøki yie, ni beeye buur mana dwøŋ døc mar wëëc Jwøk.