Jeremaya 25:12 - Wëël Jwøk

¹² «'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 25:12 Iomraidhean Croise

2 Nyeye 24:1

'Ba ki yïth nïne moa beet Jeyöakëmmi ni ena nyeya, Nabukedenecör nyeny Babiløn amäänynyö baŋe; ni ö Jeyöakëmmi ni tïme ni bëënna eni ki cwiiri adäk. Køøre Jeyöakëm acaara mare awiile, ni gëëme ki Nabukedenecör.

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 14:23

«Aani thuwø, paanøgø tïïa tïïö na kar bëëtö mar thëëwe, ni pïï omägö yie, ni puta gø jwiec ki jwïëc mar aranya.» Manøgø beeye dwør Wuuö Jwøk, eni na wïth jammi bëët.

Aydheea 15:6

'Ba pïï mo Aguul Nimrim onø talø, ni luum mana en kaace otal. Ni gïïa no otuy bëët oränynyö, ni bäŋ gïn mo mar.

Aydheea 20:1

'Ba yi cwiina ö Caargøn nyeny Aciria na jääŋ kwääc lwaa leny mana cwøl ni Tartan yi paana cwøl na Acdöt, ni këëde ki jø paanøgø ni mak gø,

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 25:14

Ni ö wïth juurre mo thööth ki nyeye mo døøŋŋø ni tïïcge jø Babiløn na laaŋe; ni coola pïïn gïïa reyø dëëtge na tïïcge, ni beege gïïa reyø na tïïcge ki ceŋge.»

Jeremaya 27:22

ni ‹Japøgø 'kïtha Babiløn, ni bëëtge kaace këël dïcäŋo cøøa baŋge, ni käla geni ni duua geni karge kany.› Luummögø caana Wuuö Jwøki.»

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Edhikiel 35:9

Ïïni, ï tïïa tïïö niï dööŋï ni bäŋ gïrpiny yiï na bäre bäre; ni ö päänye moï ni ba beedi këët. Køøre nø, ŋäyï ŋääö ni bee aani na Wuuö Jwøk.

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Abakuk 1:17

?Aŋø, ge poot bëëdö no opëëlle moge ege wöth wøk ki man bëëtge ni ge nääŋŋa wïth juurre ni cwïnyge ba pädhi?