Jeremaya 25:11 - Wëël Jwøk

¹¹ Ni ö ŋöömmi en bäre ni ränynye, ni tïme na ŋöömö mo cwïny jiy böö ki gïno tägi dëëre; ni ö wïth juurre moøgø ni tïnyge nyeny Babiløn ki cwiiri ma pïërabïriiø.

Jeremaya 25:11 Iomraidhean Croise

2 Luup Nyeye 36:20

'Ba jiy bëët moa bøth ki thøø dho opëëllö amak nyenynyøgø ki tøŋ ni kïth ge Babiløn, ni putge bëëte ni gena laaŋe mo nyenynyøgø ki wääte këël kanya täk buc nyeci mar jø Parca.

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Jeremaya 25:12

«'Ba kanyo thum cwiiri moøgø na pïërabïriiø yøø, a na Wuuö Jwøk, nyeny Babiløn, ki jiye bëët, ki ŋöömme ma Kaldia bäre jääla jäälö kiper bääyö marge, ni tïïa paac nee bëëde no oränynyö na bäre bäre.

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 27:22

ni ‹Japøgø 'kïtha Babiløn, ni bëëtge kaace këël dïcäŋo cøøa baŋge, ni käla geni ni duua geni karge kany.› Luummögø caana Wuuö Jwøki.»

Jeremaya 27:7

Ni ö wïth juurre bëët ni bëëtge ni gena laaŋe moe, eni ki wääde, ki nyikwaare, këël mano päŋ cwiiri moa kwaan kiper akwöma mare. Køøre wïth juurre mo thööth ki nyeye mo døøŋŋø eno tïïcge na laŋŋø marge.

Jeremaya 28:14

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, gïr puur ma nywïënyö man wø twöö ŋut yaa nø twöö ŋut wïth juurre moøgø bëët nee bëëtge ni ge ena tier Nabukedenecör nyeny Babiløn, ni tïnyge eni. Këël lääc paap yaa nø cïp jïre.› »

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Jeremaya 4:26

Kanya rääŋa, ka adïëri møn, ŋöömma beer ni wø ciek ki cam mo päl ajooda no otïmö na dïtëën, ni jooda päänye moe bëët no onyaa piny ki køør wëër mar Wuuö Jwøk ni wø liel kaamar maac.

Jeremaya 4:27

Ni manøgø beeye luumma caan Wuuö Jwøki, na kööe, ni «Ŋöömö bäre oränynyi; 'ba ba raanynya bäre.

Jeremaya 43:10

ni kööï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a jääga baŋ Nabukedenecör nyeny Babiløn, eni na en cera, kiper nee ööe, ni cïba wälu mare bäät kïte moi moa mwön piny kany, ni ö eni ni cwöth oduŋkaany nyec mare piny bäätge.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Edhikiel 12:19

Caanï jï jiy moa en yi ŋöömö maru ni luumma caan Kwäärö Wuuö Jwøki kiper jø wø bëëdö yi Jerucalem na en yi ŋööm Icriel bee en, ena köö, ni ‹Kwatge camge camø ni ge ena yi lwär, ni maathge pïï moge ni dëëtge kwanynyi ki lwär, kiper ŋöömö marge ränynyö ki jammi moa en yie bëët ki køør ageem man wø tïïc jiyi bëët mo wø en yie.

Edhikiel 29:11

Bäŋ dhaanhø wala lääy mo ŋutö ki yie. Ni put tïmö ni bäŋ ŋat bëëdö yie ki cwiiri ma pïëraŋween.

Edhikiel 6:14

Kanyøgø nø, cera orwiea ni jääla geni, ni wëëga ŋöömö marge ränynyö døc, ni dööŋe ni bäŋ gïrpiny yie ni kaala dïtëën mana cwøl ni Dïbila; køøre nø oŋäcge ni bee aani na Wuuö Jwøk.› »

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Ciik Kiper Dïlämme 26:32

Aani ki dëëra kiree ŋöömö maru raanynya raanynyø, ni ö nyïïmänni mou moo ö baŋ bëëtö yie ni thäŋ yïthge ki gïr gø.

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?