Jeremaya 25:10 - Wëël Jwøk

¹⁰ Aani, dïlweel mar met ec, ki dwør met ec, ki kanynyø mar nywöm, ki dwør leek, ki maac mo liel raanynya raanynyø.

Jeremaya 25:10 Iomraidhean Croise

Acther 3:13

Weeli moøgø ajääŋŋi tiet mïëri bëët moa näk mo nyeya ki ceŋ jiy mo rwäänhnhö, ni caana gø ni kanyo tïm nïr dwää apaar kurriiø man wø cwøl na Adar na apaar kurdäk, yi cäŋ manø na aciel enø, jø Juuth bëët moa näk wøpe, ki jäle, ka apoole ko obwöre, wär raanynyi, ni 'näk geni, ni dïïr wïthge bëët, ni japge put ka twier.

Acther 7:4

Kiper aani ki jø tuuŋwa, waana ŋeew, nee wa raanynyi, nee wa 'näk, nee wïthwa dïïr. Doo na waano ŋeeø na laaŋe jaak, wa na mään ki cwøw, a doo lïŋö, ni bäŋ gïn caana. Doo na beeye per luummögø keere, ba doo rømø ki man ööla ïïni ki cäänö.»

Acther 8:11

'Ba weeli moøgø, nyeya cäänna jø Juuth moa en yïth päänye bëët ki man dwalge dëëtge nee jwïëcge koorge, kiper ni näk da jø tøŋ wala wï jur mør mo tuga geni, nee öge maal bäät jøøka nee raanyge, ni 'näkge ge, ni dïïrge wïth jøøka, ni kuurge ko obwöre ka apoole moge, ni twierge jap jøøka;

Aydheea 47:2

Lwør kïn guur ni gudï ki møø. Abïï man wø loop wïc käl wøk, ni jaarï thïnuura marï maal, ni wïïï tietï wøk, ni ŋørï nyeŋ näm.

Jeremaya 16:9

Kiper mana ŋøl Wuuö Jwøki, Jwø Icriel, eni na wïth jammi bëët, beeye en: Dïlweel mar met ec, ki dwør met ec, ki kanynyø mar nywöm, oraanynya ni nëënö jïïu yïth nïne moo beetu.

Jeremaya 48:33

Otïmö ni bäŋ dïlweel mar met ec ki dwør met ec yïth pwöth Möap mo wø ciek ki cam mo päl; kwøŋ otïïa ni bäŋgø yïth dääk nyööbö, ni bäŋ ŋat mo nyööbö këët ki køøŋø mo kwöŋŋö ni yie met. 'Ba këël ge doo kwöŋŋö, kwöŋŋö marge patha mar met ec.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Wëël Kïmmö 5:15

Met cwïny marwa aränynyö, ni ö meeŋŋi marwa ni løø ree baŋ kïmmö.

Edhikiel 26:13

Dudi moï moa wara wär tïïa tïïö nee cuŋge, ni ö dööt thøme moï ni ba wïnynyi këët.

Odheea 2:11

Aani thuwø ajwöm moe bëët mo wø wøøre ŋøla ŋølø, ni beege ajwöm moe mo wø wøøre ki yi cwiir, ki wödö mare man wø wøør päär mar dwääy ki gø, ki man wø wøør cääŋŋe mo jwöm, ka ajwöm moe møga bëët moa no ocïp piny nee wø wøør.