Jeremaya 25:1 - Wëël Jwøk

¹ 'Ba kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, yi cwiir mana dïkwøŋ na beet Nabukedenecörri ni ena nyeny Babiløn, dwør Wuuö Jwøk aö bääta, a na Jeremaya, kiper jø Juuda bëët;

Jeremaya 25:1 Iomraidhean Croise

2 Luup Nyeye 36:4

Ni ö nyeny Ijepi ni put Eliekim cöök Jeyöakac røøny na nyeya bäät Juuda ki Jerucalem, ni wiil nyeŋ gø ni Jeyöakëm. 'Ba Nekø nyeny Ijep, Jeyöakac cöök Jeyöakëm alwøre ni kïth gø Ijep.

2 Luup Nyeye 36:6

'Ba Nabukedenecör nyeny Babiløn aö maal bäät Jeyöakëm, ni mak gø ni twöc gø ki tiimme mo tïïc ka nywïënyö ma jwïël, ni kïth gø Babiløn.

Jeremaya 1:3

Ni dwør Wuuö Jwøk poot ööa bääte yïth nïra beet nyeya ma Jeyöakëm o Jöcaya na nyeny Juuda, këël mana pïïe ra aŋuun cwiic nyec moa na apaar kurciel na beet nyeya ma Cëdëkiya o Jöcaya na nyeny Juuda, ni beeye cwiina mak jø Jerucalemmi yie ki tøŋ ri bïï dwäde ni kïth geni paac mør.

Jeremaya 32:1

'Ba dwør Wuuö Jwøk aö bäät Jeremaya ri paac cwiiri moa beet Cëdëkiya ni ena nyeny Juuda, kanya tïme na ri cwiiri apaar ka abära moa beet Nabukedenecörri ni ena nyeny Babiløn.

Jeremaya 35:1

Man beeye dwør Wuuö Jwøk mana ö bääta, a na Jeremaya, yïth nïra beet Jeyöakëmmi o Jöcaya ni ena nyeny Juuda, ena köö,

Jeremaya 36:1

'Ba kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, dwør Wuuö Jwøk aö bäät Jeremaya ni kööe,

Jeremaya 45:1

Man beeye dwøl mana caan nyikuŋ Jwøki ma Jeremaya jï Baruk o Neriya, kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, ni Baruk luup moa caan Jeremaya ee nø göör piny yi wëëlö. Ena köö,

Jeremaya 46:2

ni tägi ka Ijep. Ni mana caane kiper jø leny mo Peerø-Nekø nyeny Ijep, ŋata bööti bäät Naam Upareeti päänya cwøl ni Karkëmec, na bööt Nabukedenecörri nyeny Babiløn kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, beeye en:

Jeremaya 7:1

Man beeye dwøl mana ö baŋa, a na Jeremaya, na käl baŋ Wuuö Jwøk,

Daniel 1:1

'Ba kanya tïme na ri dää cwiiri moa beet Jeyöakëmmi ni ena nyeny Juuda, Nabukedenecör nyeny Babiløn aö Jerucalem ni ciel gø dïër.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 2:1

'Ba kanya tïme na ri riet cwiiri moa beet Nabukedenecörri ni ena nyeya, ena lägö ki lääk, ni ö wïïe ni kier ree, ni dhäth nyeŋŋe ki gämmö.