Jeremaya 24:7 - Wëël Jwøk

⁷ Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 24:7 Iomraidhean Croise

2 Luup Nyeye 6:38

ni näk mo ge duua baŋï ki cwïnyge bäre ka acaacge bäre ki kanya kïth geni yie yïth ŋøøp nyïïmän moge na mak geni ki tøŋ, ni lämge jïrï ni nyïmge ege luu yi ŋöömö marge na cïpï jï kwäcge, ki pääny mana jierï, ki øtø mana geera kiper nyeŋŋï,

Aydheea 51:16

Aani, luup 'moa akïtha dhøgu, ni rïëba uuni ki tïpö mar cera. Bee aani na cïp maal kare, na wëëk tier piny këët piny ni teek, na köö ki jø Dhayan, ni ‹Uuna jiy 'moa.› »

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Jeremaya 3:10

'Ba këël na bëët coki ma Juuda na raac ni gïïögø bëët ŋääe, eni na Juuda kär duu baŋa ki cwïnye bäre, 'ba mare beeye cwøk keere.» Luummögø caana Wuuö Jwøki.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 7:23

'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 14:11

kiper nee jø Icriel tïmge ni wïthge ba løøge wøk ki aani këët, ni dëëtge ba raanyge keerge këët ki raay moge bëët. 'Ba geno bëëdö na jiy 'moa ni bëëda ni aana Jwøk marge.› » Luummögø caana Kwäärö Wuuö Jwøki.

Edhikiel 16:62

Aani luumma tuuda ki ïïni wëëga thur kare. Kanyøgønø ŋäyï ŋääö ni bee aani na Wuuö Jwøk.

Edhikiel 37:23

Ge ba bëëdö ni dëëtge ege päädö këët ki juuga reyø moge ki kït gïï wø lamge, na näk ec raac ki ge, wala ki teeŋ raay moge møga bëët. Kiper aani, ge piema piemø yïth raay moge moa wara enge yïthge, ni penya geni; ni bëëtge na jiy 'moa, ni bëëda ni aana Jwøk marge.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Edhikiel 39:22

'Ba ki mano täge ki dïcäŋeca këël yi nyïme, jø dhi øt Icriel oŋäcge ni bee aani na Wuuö Jwøk, Jwøk marge.

Odheea 2:22

ni ö pinynyi ni wëëk caammi tuuö, ni känne ki nyïëdi yi goor Jedhriel; ni beege beel ki kwøŋ ki mädhi.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»