Jeremaya 24:5 - Wëël Jwøk

⁵ ni «Man caana, a na Wuuö Jwøk, Jwø Icriel beeye en: Aani, jø Juuda moa riema wøk ki yi ŋöömmi en na mak ki tøŋ na kïth yi ŋööm jø Babiløn, ge raŋa raŋø ni beyø ni caala nyïïolämmi moi ni beyø ii.

Jeremaya 24:5 Iomraidhean Croise

Jeremaya 24:4

Køøre dwør Wuuö Jwøk aö bääta, ni kööe,

Jeremaya 29:11

Kiper a na Wuuö Jwøk, acaare moa näk yaa nø caar kiperu ŋääa, ni beege acaare mo duunnö ki bëët mëër jïïu, ni patha acaare mo duunnö ki ränynyö dëëtu, 'ba beeye acaare mo wëëga ŋäädhe maru thur kare yi nyïme.

Jeremaya 29:20

«'Ba ennø, u bëët, u na riema wøk Jerucalem nou mak ka tøŋ, ni kïth u Babiløn, wïnynyu dwøra, a na Wuuö Jwøk.

Jeremaya 29:4

Man beeye luumma caan Wuuö Jwøki, Jwø Icriel, eni na wïth jammi bëët, jï jøøa riem Wuuö Jwøki wøk, na mak ki tøŋ Jerucalem na kïth Babiløn:

Edhikiel 11:17

«Kiper manøgønø, caanï jïge ni man beeye luumma caan Kwäärö Wuuö Jwøki, ena köö, ni ‹Ge lïma wøk dï wïth juurre, ni käla geni wøk ki yïth mïëri moa näk geno keethø yïthge, ni cäŋa ŋööm Icriel cïpö jïge.

Edhikiel 11:20

Køøre nø, geno cäädhi køør ciik 'moa ni gwøkge luup 'moa, ni kïthge gø bäät tïïc. Geno bëëdö na jiy 'moa, ni bëëda ni aana Jwøk marge.

Ciik Kiper Dïlämme 26:44

'Ba këël na tïïcge gïïögø, kanyo enge yi ŋööm nyïïmän moge, ge ba kwiera, naa ba männi ki geni ki man raanynya ge. Ni näk mo tïïa tïïö, tïmö naa raanynya luumma tuuda ki geni. 'Ba ba tïïa, kiper beeye aani na Wuuö Jwøk, Jwøk marge.

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Mathiew 25:12

«'Ba aduue jïge, na ‹Adïëri møn, a cäänna uuni, u kuua.›

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

1 Körin 8:3

'Ba ni näk dhaanhø mëër ka Jwøk, eni ŋäc Jwøki.

Galeecia 4:9

?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

Tiet Ciik 8:16

Ni ö Wuuö Jwøki ni caam uuni dï paap ki møga cwøl ni meena, ni beeye møø mo kuc kwäyu dïkwøŋ. Wuuö Jwøk gïï mo leth akäl bäätu, kiper nou pwönynye, kiper nou päänynye, nee tïïe jïïu ki gïn mo beer ya aŋuudi.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Mana Nyooth 3:19

«Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.