Jeremaya 24:2 - Wëël Jwøk

² Oröögö aciel yie da nyïïolämmi mo beyø døc, mo caala mo wø kwøŋ ciek. No oröögö maya yie da nyïïolämmi mo reyø døc mo ba løny ki cam kiper mana näk mo geno kwäk.

Jeremaya 24:2 Iomraidhean Croise

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 29:17

Luumma caan Wuuö Jwøki, eni na wïth jammi bëët, beeye en, ena köö, ni «Ennø, leny ki käc ki täw mo leth jääŋŋa jääŋŋö bäätge, ni wëëga geni ränynyö kaamar nyïïolämmi mo odheeth mo ba løny ki cam kiper mana näk mo geno kwäk.

Odheea 9:10

Wuuö Jwøk aköö, ni «Kanya kwøŋa jø Icriel joot, caala man wø joot nyïïomøki dïtëën; kanya jooda kwäcge, caala man wø joot nyo olaam mo okwøŋ ŋweelø. 'Ba kanya öge baŋ jwø wø cwøl ni Baal-Pëëgör, ni cïpge dëëtge køør gïn mo wïc laay ki gø, gena put tïmö ni ge määnö kaamar gïna mëërge ki gø.

Mikiya 7:1

Wui, aani cwïnya apädhö kiree! Bäŋ ŋat mo cwïnye ena køør Jwøk. Kiper aana määnyö kaamar dïlïm nyïïjenni, kaamar jø wø dädö ki nyïïomøki yïth pwöth, mo bäŋ okut nyïïomøki mo jootge mo di camø, wala nyïïolämmi mo wø kwøŋ ciek.

Neeyam 3:12

Kiiri mo pääny moï moa no ogeerø ni teek tïmö ni caala olaam mo nyïïe ociek, mo noo kenyi, nyïïe puta päth piny ni puti leeŋ dhøk.

Kwään Jiy 18:13

Nyïïjenni bëët mo wø kwøŋ ciek yi ŋöömge, mo wø cïpge jïra, a na Wuuö Jwøk, otïmö na moï. 'Ba jøøa näk dëëtge waany paarï bëët løny jïge ki man cämge rege.

Mathiew 5:13

«Uuna acäbö mar piny. ?'Ba ni näk ma acäbö lawe obänhnhö, lawe ocäŋ døø kare nidïï? Bäŋ gïn mo røme ki gø këët, 'ba tiirra man weti ni nyøri ya jiyi ki tietge.