Jeremaya 24:1 - Wëël Jwøk

¹ 'Ba kanya nø ö Nabukedenecörri nyeny Babiløn na nø mak Jekönaya wär Jeyöakëm nyeny Juuda, ki jø kööre mo Juuda, ki rëëmme, ni maae Jerucalem ki tøŋ ni nø kïth geni Babiløn, Wuuö Jwøk anyuuthö jïra ko orööge ariiø mo päŋ ki nyïïolämmi mo ocïp piny nyïm Øt Wuuö Jwøk.

Jeremaya 24:1 Iomraidhean Croise

2 Nyeye 24:10

'Ba kar kaaca beeye kanya ö kwääc jø leny mo Nabukedenecör nyeny Babiløn na cige Jerucalem na cielge gø dïër.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Jeremaya 13:19

Dhøk kiiri mo päänye mo Nëgëp ocïëgi, ni bäŋe ŋat mo jap ge. Jø Juuda bëët omak ki tøŋ, ni käl ge bëët.

Jeremaya 27:20

na näk kär käl Nabukedenecörri nyeny Babiløn, kanya käl Jekönaya wär Jeyöakëm nyeny Juuda ni maae ki tøŋ Jerucalem ni kïth gø Babiløn, ki jøøa kwörge døøŋŋø bëët mo wø bëëdö Jerucalem ki dï Juuda bäre.

Jeremaya 28:4

Ni duua Jekönaya wär Jeyöakëm nyeny Juuda kany ki jø Juuda bëët moa mak ki tøŋ na kïth Babiløn, kiper teek mar nyeny Babiløn na en bäätu ni caal jaath puur man wø twöö ŋut rwaath raanynya raanynyø.› Luummögø caana Wuuö Jwøki.»

Jeremaya 29:1

'Ba nyikuŋ Jwøk ma Jeremaya agöödö ki wëëlö Jerucalem, ni jääŋ gø baŋ jø døøŋŋø moa näk odööŋ ni kwøw ri moa mak ki tøŋ, ki baŋ dïlämme, ki nyïïkuk Jwøk, ki jiy bëët moa mak Nabukedenecörri ki tøŋ Jerucalem ni kïth geni Babiløn.

Jeremaya 29:2

Wëëlö manøgø ajääŋŋe ni nyeya ma Jekönaya ki menni ma gwanynyø onø mak ki tøŋ Jerucalem ni nø kïth geni Babiløn, ni bee geni ki jø kööre ki jøøa kwörge døøŋŋø mo wø bëëdö Jerucalem ki dï Juuda bäre, ki rëëmme.

Jeremaya 37:1

'Ba Cëdëkiya o Jöcaya arøøny Nabukedenecörri nyeny Babiløn na nyeya yi ŋööm Juuda kar Jekönaya wär Jeyöakëm, ni bëëde na nyeya ni paac ena cere.

Edhikiel 17:4

Eni wï jaath mana näk opööth maal atuur wøk ni aae ki gø ni kïth gø yi ŋöömma näk kar gath, ni piith gø yi pääny jø gath.

Edhikiel 19:9

Ni gänge gø ko obïth ni kïthge gø yi dhwöŋŋö, ni kïthge gø Babiløn baŋ nyeya, ni kïthge gø øt twöc, ni ö löörö mare ni tïme ni ba wïnyi këët bäät kïte mo Icriel.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Amøc 7:1

Man beeye gïna nyooth Wuuö Jwøki jïra ki yi wïïa; ena jooda ni cwääö ki lwaa bäänyö. 'Ba kar kaace beeye kanya täk luummi ki lødhø, køør mana nyaari jï nyeya.

Amøc 7:4

Man thuwø beeye gïna cäŋ Wuuö Jwøki nyoothø jïra ki yi wïïa; ena jooda ni jiiŋŋa ree ki man jääl jiye ki maac. Ni ö maaci ni taal pïï moa en tiet ŋøøm ni täge ki man raany pwöth.

Amøc 7:7

Køøre gïn acäŋ nyoothø jïra ki yi wïïa; Wuuö Jwøk ajooda ni cuŋŋö buut dëër øtø mo ogeerø ni thïïŋ, ni cere da thøøl mo nyootha thïïŋ gïrpiny.

Dhekaraya 1:20

Køøre Wuuö Jwøk jiy aŋween ma rëëmme mo thääth anyoodhe jïra.

Dhekaraya 3:1

Køøre Wuuö Jwøk Jøcua na näk Kwääy Lam Mana Dwøŋ anyoodhe jïra ni cuŋŋö nyïm nyïïatwiel maal, ni Ceethan cuŋŋö jï løø bäät cer cwïïe, ni kïtha bäät gø ki luup mo reyø.