Jeremaya 23:9 - Wëël Jwøk

⁹ 'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 23:9 Iomraidhean Croise

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 51:21

Kiper manøgønø, u na jø Jerucalem na no ocaarø, ni bee u na no omeer, ni paa ki køøŋø, cegu ïthu ki gïn.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Jeremaya 20:9

'Ba ni näk maa köö, ni «Nyeŋ Wuuö Jwøk ba mula ki dhaa, ni bäŋ gïn mo caana ki nyeŋŋe këët,» gïno tägi, luumme gwenni cwïnya ni caala maac mo liel, ni aano ööl ki man jwøa gø, ni ba løny jïra ki man kana gø cwïnya.

Jeremaya 36:16

'Ba kanya nø wïnyge luupögø bëët, gena cäänö yïthakicge keerge ni ge lwäär, ni köge jï Baruk, ni «Ka adïëri møn, waani, luupögø bëët caanwa caanø jï nyeya.»

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 8:18

Aani, kïmmö mara ba løny ki jook, ni cwïnya bëëdö ni peek bäre!

Jeremaya 9:1

Wui, aperŋø ni ba tïm wïïa na iith en, na aperŋø ni ba tïm pï nyeŋŋa na jøøro en, naa jwöŋa ki yi cäŋ ki yi wäär bäre kiper jø powa na ŋalli!

Wëël Kïmmö 3:15

Aana maadhe ki jaath mo keec, ni wëëk a jäŋö ki gø.

Edhikiel 13:3

Kwäärö Wuuö Jwøk aköö: Noo tïmö ni raac jï jøøa bäŋ wïdhi, jøøa tïïc rege na nyïïkuk Jwøk ni wø caath køør acaare moge keerge, jø wø köö ni da gïï mo ege neenø, 'ba bäŋgø.

Edhikiel 9:4

Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»

Edhikiel 9:6

'Nägu geni ni bäŋgø mo dööŋ, ki mano täge ki jäle, ko obwöre moa näk wøpe, ki nyïïakuue, ko obwöre moa therø, ki mään; 'ba jøøa näk täärnyïmge da ŋïï kär gutu. 'Ba wär tägu ki øt lam mara.» Køøre aputge täk ki jø døøŋŋø moa en nyïm Øt Jwøk.

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Wëëlö Mana Göör Pøølli Baŋ Jø Röm 7:9

Kiper dïkwøŋ kanya bëëda ni bäŋ ciik Jwøk mo ŋääa, a bëëdö naa kwøw. 'Ba kanya ö mana cem Jwøki, raay acär, ni thøøa.