Jeremaya 23:5 - Wëël Jwøk

⁵ Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 23:5 Iomraidhean Croise

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

Aydheea 33:5

Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 42:6

ni «Aani, a na Wuuö Jwøk, ïïna cwøla ki køør adïëri mara; ï maa maaø ki cerï ni koora ïïni, ni tïïa ïïni ni ïïna ŋato wëëk luumma tuuda ki jiy thur kare, ni ïïna tar kiper wïth juurre,

Aydheea 45:24

Gïra caange caanø ni köge, na ‹Adïëri ki tëënnö joot ka ri Wuuö Jwøk keere.› Jiy ööa baŋe, ni ö jiyi bëët moa no owëër ki eni ni wëëk geni lään wïc.

Aydheea 52:13

Wuuö Jwøk aköö, ni «Ka adïëri møn, dhaanhnha na näk yaa jierø, jammi otïïe na karge, eno tïmö ni ena maal wïth jammi bëët, no owøørø ni kare dwøŋ døc.

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 9:5

Kiper war bëët mo wø ŋooŋ jø lenynyi ki ge, ka abïïe moge moa näk ogääbö ki remø, di waaŋø ni thööri ya maaci.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 22:15

«?Aŋø, ii caarø ni nyec marï beeye kiper mana geerï øt nyec marï ko opämi mo beyø mo thööth niï kaatha ceŋ jø møøk? Aŋø, wäru kera abëëdö ni cämö ni mädhö, ni tïïc tïïc mana näk kare na näk adïëri, ni bëët jammi bëët ni beyø jïre.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 29:11

Kiper a na Wuuö Jwøk, acaare moa näk yaa nø caar kiperu ŋääa, ni beege acaare mo duunnö ki bëët mëër jïïu, ni patha acaare mo duunnö ki ränynyö dëëtu, 'ba beeye acaare mo wëëga ŋäädhe maru thur kare yi nyïme.

Jeremaya 30:3

kiper ka adïëri møn, da nïne mo öö, mo jiya ma jø Icriel ki jiya ma jø Juuda ge duua ka wøk ki yi bëët laŋ, ni duua geni yi ŋöömö mana cïba jï kwäcge, ni bëëde na marge. Luummögø caana Wuuö Jwøki.»

Jeremaya 30:9

'Ba geno bëëdö ni ge tïnynya aani, a na Wuuö Jwøk, Jwøk marge, ki nyeya marge ma Deebit, ŋato thïïŋa jïge.

Jeremaya 31:27

Wuuö Jwøk aköö, ni «Ka adïëri møn, da nïne mo öö, mo dï ŋööm Icriel ki dï ŋööm Juuda jøra jørø ki kunhnhö mar dhaanhø ki kunhnhö mar lääy.

Edhikiel 21:27

Pääny ränynyö! Eni ränynyö! Eni raanynya raanynyø! Eni ba døø kare këët këël kanyo ö wänni; 'ba aani, eno cïba cere.» ›

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 34:29

Ni kïtha geni yi ŋöömö mana ŋäc ni cam ciek yie døc, ni putge bëëtö yi gø ni bäŋ käc këët mo ööl geni, ni bäŋ ajøøŋ mo jwørge këët baŋ wïth juurre.

Edhikiel 45:8

Ŋøøm moøgø otïmö na kur dïbwödhi yi Icriel. 'Ba dïbwöthe 'moa, jiya ba thielge piny këët; 'ba ŋøøm ocïpge jï dhi øt Icriel ki køør wïth tuŋi moge.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 2:2

«?Na age ŋata nywöli na nyeny jø Juuth? Kiper cëënynye ajootwa ki jï løø kur tuul-cäŋ, ni beeye tiere ni öwa en nee eni wøørwa.»

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

Ibaru 8:8

'Ba Wuuö Jwøk gïna näk ogwäyö ri luummögø ajoode, ni kööe, ni «Da nïne mo öö, maa tudö ki luubö mo nyään ki tuuŋ Icriel, ki dhi øt Juuda.

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.