Jeremaya 23:22 - Wëël Jwøk

²² 'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Jeremaya 23:22 Iomraidhean Croise

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 23:18

«?'Ba aŋa nø na bëëdö wï maac mara, a na Wuuö Jwøk, nee luum Wuuö Jwøk raŋe døøc ni wïny gø? ?Na aŋa na cek ïthe na wïny luumma?

Jeremaya 25:5

Ni mana køpge beeye, ni ‹Løgu rou ennø, ni weyu uutjïëth raay mou ki tïïe mou na reyø; køøre u bëëdö yi ŋöömö man na cïp Wuuö Jwøki jïïu ki kwäyu na bäre bäre.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Jeremaya 9:12

?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Edhikiel 13:5

Ge kär ci kuna koorge kwöra ŋaam dëër kiir, ni bäŋe gïn mo ege tïïö ki man cäŋge kiir geerrø deŋ Icriel, nee jø Icriel cuŋge ri leny mar cäŋ Wuuö Jwøk.

Edhikiel 18:30

Kiper manøgønø, Wuuö Jwøk aköö, ni «U na jø Icriel, aani u jääla jäälö. Ŋati man nø dëëtu jääla jäälö ki køør bëëtö mare. Løgu cwïnynyu, ni ööu wøk ki yïth japa reyø bëët na tïïyu; køøre nø raay otïmö ni paa gïn wëëk uuni pädhö këët.

Edhikiel 2:7

'Ba luup 'moa wär caanï jïge, kiper gena jø ageem, këël mo ge kweer wala ïthge cekge ciiø.

Edhikiel 3:17

ni «Wär dhaanhø, ïïna jiera niï tïmï ni ïïna ŋat koor kiper jø Icriel; luubö mano wïnynyï dhaa jaak, ge wär köömmï ki gø ki nyeŋŋa.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Milkiya 2:6

Geni, gena pöö ki pwöc ma kare, ni bäŋ gïn mo obøth mo owïnynyö dhøkge. Gena bëëdö ki aani ki bëët-mëër ni cwïnyge leer, ni duuge jiy mo thööth wøk ki jöör raay.

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

1 Thecalönika 5:6

Kiper manøgønø, kärø butø kaawat man wø tïïc jø møga. 'Ba beerra man bëëdø ni ø nëënö, ni dëëtø yøø gwøø.