Jeremaya 23:2 - Wëël Jwøk

² Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 23:2 Iomraidhean Croise

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Jeremaya 10:21

Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 11:22

Kiper manøgønø, mana ŋøl Wuuö Jwøki, eni na wïth jammi bëët, kiper jøøgø beeye en, ena köö, ni «Ennø, ge jääla jäälö. Cwøw moge moa teek onäk ri leny; ni ö wäätge ki nyïïge ni thøwge ki käc,

Jeremaya 13:17

'Ba ni näk luumma ba wïnynyu, aani, a jwöŋö ni kuyu kiper atöör maru. Ni jwöŋa ni yia yaa keeyø døc, ni nyeŋŋa lwanynyi ki pïï, kiper jic Wuuö Jwøk omak ki tøŋ ni käli.

Jeremaya 13:20

«Wui, ï na Jerucalem, tïŋ wïïï maal ni raŋï nyïïmän ni ööi ki wï-piny yøø. ?Aŋø, jiyï na cïp jïrï na mïërö na caal pïïth dïëk ocøøa kaa?

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 23:34

'Ba ni näk da nyikuŋ Jwøk wala dïlämi wala dhaanhø mør mo cäänö jaak kiper dwør Wuuö Jwøk mana caal tëër, ŋatøca jääla jäälö ki paare bäre.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 5:9

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?» Luummögø caana Wuuö Jwøki.

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Edhikiel 34:5

Køøre nø, gena put keethø kiper mana bäŋe dïkwääy jïge; 'ba kanya keethge gena put tïmö na cam jï lääc paap bëët.

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Mikiya 7:4

ŋata no okøø dïge ni beerra eni døc caala koodhø, ni ŋata no okøø ni mare thïïŋ døc, rääye kaala koodhi mo olöör piny. 'Ba uuni, cäŋ mana caan jø koorri ma nyïïkuk Jwøk öö, ni beeye ööny ajäla maru, ni ö paaci ni jïte ko okiera.

Dhekaraya 10:3

'Ba Wuuö Jwøk aköö, ni «Aani, gootø mara liel kaamar maac bäät dïbwöthe. Dïbwöthe jääla jäälö; kiper a na Wuuö Jwøk na en wïth jammi bëët, pïïth mara gwøa gwøø, ni beege jø dhi øt Juuda, ni tïïa ge kaamar okweeny leny man wø ŋwöö ki gø ri leny.

Dhekaraya 11:16

Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.

Mathiew 25:36

Aana cäädhö ki dëëra, ni mooyu aani ka abïï. Aana tuu, ni lïïmmu baŋa. Aana en øt twöc, ni ööu baŋa.›

Mathiew 25:43

Ni ööa ni aana wëëllö, ni käru a pänhnhö. Ni cäädha ki dëëra, ni käru a mooø ka abïï. Aana tuu, ni ena øt twöc, ni käru a lïïmö.›

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.