Jeremaya 23:17 - Wëël Jwøk

¹⁷ Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 23:17 Iomraidhean Croise

2 Camiel 12:10

'Ba ennø, thøw tøŋ ree ba paanye dhi ødï, kiper aana taagï, ni nø kälï cï Uria nyï Këth, ni tïïyï gø na cïïï.›

Aydheea 30:10

jø wø köö jï jø wø nyuunh Wuuö Jwøki ki luup mo wø nyooth ki yi wïc, ni ‹Kär dee gïï mo neennu;› ni wø köö jï nyïïkuk Jwøk, ni ‹Kär luup ma adïëri mo wø nyooth jïïu caannu jïwa; 'ba caru luup mo cwïnywa mïnnö ki ge, këël doo na cwøk jaak.

Aydheea 57:21

'Ba Jwøk mara aköö, ni «Bëët-mëër bäŋgø jï jø raay.»

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 18:12

'Ba geno köö, ni ‹Bäŋ gïn løny jïwa këët na bäre bäre; waani, wa poot cäädhö køør acaare mowa, ni ö ŋati man nø dïwa ni tïïe ki køør teek wïc mare na öö ki køør rääö mana en cwïnye.› »

Jeremaya 18:18

'Ba jø møøk aköö, ni «Ööu, nøø määnyö ki jöö man raanynyø Jeremaya ki gø. Kiper dïlämme mo wø caan ciik kee nut cøøn, ki jøøa wïthge leer ni wø cïpi ki pwöc, ki nyïïkuk Jwøk mo wø køp luum Jwøk. Ööu nø, nee eni raanynyø ki lëëpø, ni ba ciiø ïthø ki gïn wø caane.»

Jeremaya 3:17

'Ba kar kaace Jerucalem ocwølge ni kar bëëtö mar Wuuö Jwøk, ni ö wïth juurre bëët ni cooŋge rege yie kiper nyeŋ Wuuö Jwøk. Ni ö geni na jø Icriel ni ba cääthge këët køør teek wïc marge mana ö ki køør rääö mana en cwïnyge.

Jeremaya 4:10

Køøre aana köö, ni «Wui Kwäärö Wuuö Jwøk, ka adïëri møn, jøøi ii ki jø Jerucalem acøøgï, kiper mana kööï, no ‹U bëëdö ki bëët-mëër,› ka manø opëëllö oløny ni ena cwäkge.»

Jeremaya 5:12

Geni, a na Wuuö Jwøk, aana taakge, ni köge, ni ‹Wuuö Jwøk bäŋ gïn mo tïïe; bäŋ gïn mo raac mo ö bäätø, ni leny ki käc bäŋgø mo pïï dëëtø.

Jeremaya 6:14

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni ‹Paac beer jaak,› këël na bëëde ni bëët paac raac.

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 8:11

Gïï wø raany paac ataakge na gïn mo jööt jaak, kaawat man wø taak ŋwellø dëër dhaanhø, ni ge wø köö, ni «Paac beer jaak,» këël na bëëde ni bëët paac raac.

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 13:10

« ‹Kiper geni wïth jiya wø maaŋge maaŋŋø ni ge köö, ni «Paac beer jaak,» këël na bëëde ni bëët paac raac. Kany wø näk da dhaanhø mo tïïö ki kiir mo ba teek, rwøthge rwødhø ki booya.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Amøc 9:10

Jøøa näk jø raay bëët dëët jiya, othøw ri leny, jø wø köö, ni ‹Gïn mo raac ba pïï dëëtwa.›

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Jepaniya 1:12

Dïcäŋöca, yi Jerucalem meenya meenyø ki lambae, ni jääla jø wø bëëdö jaak ni wø cäänö ki cwïnyge, ni ‹Wuuö Jwøk bäŋ gïn mo beer wala gïn mo raac mo tïïe!›

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Kwään Jiy 11:20

'Ba u cämö ki dwääy bäre, gøøc mano tuny wøk ki ummu ni tïm cwïnynyu ni cøl ki gø, kiper na kwierru Wuuö Jwøk na en dïïu, ni jwöŋu dëëre ni kööu, na «?Aperŋø na öwa wøk ki Ijep?» › »

Luk 10:16

Ni kö Jecu jï bääge, ni «Ŋato wïny maru, wïnynya mara. Ni ŋato kwier uuni, kwiera aani. 'Ba ŋato kwier aani, kwiera eni na jääŋ aani.»

Tiet Ciik 29:18

'Ba kär dee dhaanhø dïïu dïcäŋi, ma dïcwøø wala ma dhaagø, wala jø dhi øtø aciel, wala wï tuuŋ aciel, mo cwïnye døøa cään ki Wuuö Jwøk na näk Jwøø, ni cøøe ni tïny juu mo wïth juurre. Kär dee dhaanhø dïïu mo tïmö kaamar jaath mo nywøl ki nyïëdi mo reyø mo keec;

Tiet Ciik 29:19

kiper kanymør teeŋ ŋatøgø luup acëënne moi wïnynye wïnynyö, ni ŋwöye ki cwïnye ni kööe, ni ‹Bëëtö mara poot na wøp jaak, këël na bëëda naa cäädhi ka køør teek cwïny mara.› Ka adïëri møn, teeŋ ŋatøgø, paac bäre ränynyö ki køøre.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.