Jeremaya 23:15 - Wëël Jwøk

¹⁵ «Kiper manøgønø, mana caana, a na Wuuö Jwøk, Jwø wïth jammi bëët, kiper nyïïkuk Jwøk moøgø beeye en: «Ka adïëri møn, aani, ge caama caamø ki lweet jaath mo keec, ni maadha geni ki pïï mo ree da cïm; kiper bëëtö mo raac anyaay paac bäre, ni tägi ka baŋ nyïïkuk Jwøk mo Jerucalem.»

Jeremaya 23:15 Iomraidhean Croise

Jeremaya 14:15

Kiper manøgønø, mana ŋøla, a na Wuuö Jwøk, beeye en: Nyïïkuk Jwøk moøgø ni wø køp luup ki wïthge yøø ki nyeŋŋa, këël na bëëde ni ge ba jääŋŋa aani, ni ge köö, ni ‹Leny ki käc ba doo pïï yi ŋöömmi en,› nyïïkuk Jwøk moøgø wïthge dïdö ri leny ki käc.

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Jeremaya 9:14

'ba ge caatha køør teek wïc marge, ni caathge køør juuga cøøri ni Baalli thuwø, na ö wëëkge na pwönyge geni ki ge.»

Jeremaya 9:15

Kiper manøgønø, luumma caan Wuuö Jwøki, eni na wïth jammi bëët, eni na Jwø Icriel, beeye en, ena köö, ni «Ennø, jøøi tïïa tïïö nee gïï mo leth mo caala lweet jenni mo keec, ki pïï mo rege da cïm belge.

Wëël Kïmmö 3:15

Aana maadhe ki jaath mo keec, ni wëëk a jäŋö ki gø.

Wëël Kïmmö 3:19

Wïïa apara ki caarø mara ki thääyö mara na caal cïm ki jaadha keec.

Wëël Kïmmö 3:5

Eni, aana ciele ki gïï mo tïïya bëëtö mara ni teek, ni rum a dïër ki gïï mo tïïya bëëtö mara ni leth.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Mathiew 27:34

Jecu amoocge ki køøŋ nyïïomøki mo orwöbö ki gïn mo keec nee maadhe. 'Ba na bel gø, ena kweer ki man maath gø.

Tiet Ciik 29:18

'Ba kär dee dhaanhø dïïu dïcäŋi, ma dïcwøø wala ma dhaagø, wala jø dhi øtø aciel, wala wï tuuŋ aciel, mo cwïnye døøa cään ki Wuuö Jwøk na näk Jwøø, ni cøøe ni tïny juu mo wïth juurre. Kär dee dhaanhø dïïu mo tïmö kaamar jaath mo nywøl ki nyïëdi mo reyø mo keec;

Mana Nyooth 8:11

'Ba nyeŋ cëëyögø cwøl ni Jaadha Keec. Ni tïm dää thäk pï näm ni keec. Ni thøw jiyi mo thööth ki pïï, kiper na tïmge ni keec.