Jeremaya 23:14 - Wëël Jwøk

¹⁴ 'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Jeremaya 23:14 Iomraidhean Croise

Wïlöölö 13:13

'Ba jø Cødam bëëdö na jø raay mo tïïö ki gïï mo reyø døc nyïm Wuuö Jwøk.

Wïlöölö 18:20

Ni kö Wuuö Jwøki, ni «Luup ajäla kiper Cødam ki Gømöra atïmö ni thööth døc, ni ö raay moge ni kathge døc.

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

Wïlöölö 19:25

ni ö päänye moøge, ki gøli moa en kwöreke bëët, ki jøøa bëëdö yïth päänye moøgø bëët, këël gïïa näk otuy na marr yïth ŋøøpøgø, ni puti ya Wuuö Jwøki raanynyø.

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 18:13

Kiper manøgønø, luumma caan Wuuö Jwøki beeye en, ena köö, ni «Pëënynyu wïth juurre, man näk da ŋat mo teeŋ gïn ee wïnynyö. Jø Icriel na caal nyakøø mo dëër dïcwøø poot kuue atïïö ki gïn mo raac døc mo ec thäŋŋö ki gø.

Jeremaya 20:16

Beerra man tïm ŋatøgø kaamar päänye moa raany Wuuö Jwøki, na näk cwïnye käre dwøk piny ki gïrge. Beerra man ö ŋatøgø ni täk gïn mo lethi poge, ni wïny oduuru ka amöölla, ni wïny dwør tuuŋ mar leny ki dhöör cäŋ,

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 29:21

Luumma caan Wuuö Jwøki, Jwø Icriel, eni na wïth jammi bëët, kiper Akap o Kölaya ki Cëdëkiya o Maycëya, jøøa køp luup tööt jïïu ki nyeŋŋa, beeye en: Ka adïëri møn, aani, ge 'cïba cer Nabukedenecör nyeny Babiløn, ni ö eni ni 'näk geni ni nëënö jïïu ki nyeŋŋu.

Jeremaya 29:23

kiper mana tïïge ki gïï mo määnö dï Icriel; gena kännö ki luui ki määr nyïïawäätge, ni cäänge ki luup tööt ki nyeŋŋa, mo ge kära köömmö ki geni; 'ba aani, gïïögø ŋääa, kiper ge nëënö jïra.» Luummögø caana Wuuö Jwøki.

Jeremaya 36:2

ni «Lwötï ki warakata ni göörï luup yie bëët moa caana jïrï kiper jø Icriel ki jø Juuda, ki wïth juurre bëët, ki mana täge ki dïcäŋa kwøŋa cäänö ki ïïni, kanya bëët Jöcaya na nyeya, këël dïcäŋi en.

Jeremaya 49:18

Teeŋ gïna tägö dëër Cødam ki Gømöra, ni ränyge ki mïëri moa kwörge cärö ki geni, tägö dëër Ëdöm, ni bäŋ ŋat mo bëëdö yie, ni bäŋ ŋat mo joot kaace.

Wëël Kïmmö 4:6

Kiper bääyö mar jø powa atïmö ni kadha eni ki bääyö mar jø Cødam, paana raanynyi na bäre bäre ki kany mo thiinh, ni bäŋ køny mo otïïö kipere.

Edhikiel 13:16

ni beege jø Icriel moa tïïc rege na nyïïkuk Jwøk, mo wø cään Jerucalem ni wø köö ni da jammi mo onyoodhø jïge ni paac beer jaak, këël na bëëde ni bëët paac raac.» Luummögø caana Wuuö Jwøki.›

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Odheea 6:10

Aani, gïn mo raac døc mo ec thäŋŋö ki gø ajooda dï jø Icriel. Jø Ipariem gena tïmö ni ge tïïya käp kaace, ni ö jø Icrielli ni putge nipäät.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Milkiya 1:1

Man beeye dwøl mana caan Wuuö Jwøki jï jø Icriel ki dhi nyikuŋŋe ma Milkiya.

Mathiew 11:24

'Ba a cäänna uuni, noo tïmö ni theemma ajäl jø Cødam ka ajäla maru dïcäŋo ŋøl luup yie.»

Tiet Ciik 32:32

'Ba nyïïmän moøgø ki dëëtge, gena jiy mo reyø kaamar jø Cødam ki Gømöra; ge caala nyïïomøki mo keec mo dëëtge da cïm.

1 Timöthi 4:2

kanyo ö tööte moa bäŋ cwïnyge noo cøøkge geni ki tööt marge,

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.