Jeremaya 23:11 - Wëël Jwøk

¹¹ Wuuö Jwøk aköö, ni «Nyïïkuk Jwøk ki dïlämme bëët bëëtö marge araanyge; këël ki yi øtø mara kiree, gena jooda ni ge tïïö yie ki gïï mo reyø.

Jeremaya 23:11 Iomraidhean Croise

2 Luup Nyeye 33:5

Eni gïï wø cïp olämme bäätge atïïe yïth käälle moa na ariiø mo Øt Wuuö Jwøk jï japa en maal bëët.

2 Luup Nyeye 33:7

Køøre eni kït gïn wø lam na näk ee tieŋø acwöth piny yi Øt Jwøk, ni beeye øda kö Jwøki jï Deebit ki wääde ma Cølöman, ni «Jerucalem ki øtø man ni en yie en, yaa jierø ki røk kwör wø bëët wïth tuŋi mo jø Icriel yïthge bëët, nee nyeŋŋa bëëde ni ŋäc yie na bäre bäre.

2 Luup Nyeye 36:14

Maya thuwø, dïlämme bëët moa kwörge døøŋŋø, ki jiy bëët, gena bääyö dëër Wuuö Jwøk. Kiper gena tïmö ni ge caatha køør japa raac eci ki ge bëët ni wø tïïc wïth juurre, ni tïïcge Øt Wuuö Jwøk ni ba waany, øda cïp Wuuö Jwøki kur keere yi Jerucalem.

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Jeremaya 11:15

Jiy 'moa moa mëëra ki geni atïmö ni tïïö ki raay mo thööth. ?Aŋø, a teega ŋø ni en jïge ki man cääthge yi øtø mara? ?Aŋø, olämme moge mo wø cïpge, ränynyö marge dege paanya piny bäätge, nee bëëtge ni ge kanynyø?»

Jeremaya 23:15

«Kiper manøgønø, mana caana, a na Wuuö Jwøk, Jwø wïth jammi bëët, kiper nyïïkuk Jwøk moøgø beeye en: «Ka adïëri møn, aani, ge caama caamø ki lweet jaath mo keec, ni maadha geni ki pïï mo ree da cïm; kiper bëëtö mo raac anyaay paac bäre, ni tägi ka baŋ nyïïkuk Jwøk mo Jerucalem.»

Jeremaya 32:34

'Ba gïïa näk ec raac ki ge døc ni wø lamge akïthge yi øtø man wø cwøl ri nyeŋŋa, ni ge tïïya gø ni ba waany.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 7:30

Ni kö Wuuö Jwøki, ni «Jø Juuda atïïö ki gïï mo neeni ni reyø ki jïra; gïïa näk ec raac ki ge acïpge yi øtø mana cwøl ri nyeŋŋa, ni ge tïïya gø ni ba waany.

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Wëël Kïmmö 2:20

Wui, Wuuö Jwøk, neenï ni raŋï gø. ?Teeŋ gïn aŋa na kwøŋï gø tïïc dëëre? ?Aŋø, mään obwöre moa käl dëëtge na gwøkge dege camø? ?Aŋø, dïlämme ki nyïïkuk Jwøk doo nääö yi Øt Lam mar Kwäärö Wuuö Jwøk?

Edhikiel 23:39

Kiper kany wø ŋarge nyïïge nee cïpge no olämme jï kït gïï wø lamge, dïcäŋöca thuwø ge puta døny kar bëëtö mara na en kur keere kuna päätge gø; manøgø beeye gïn wø tïïcge yi øtø mara.

Edhikiel 44:10

« ‹'Ba jø tuuŋ Libay moa tïïc karge ni bäär ki aani kanya ö jø Icrielli na wecge aani ni caathge køør kït gïï wø lamge, ajäla marge ojootge ki køør raay moge.

Edhikiel 7:20

Gena töödö kiper jap mïërö moge, ni dëëtge kønyge kønyø ki ge ki man tïïcge kït gïï wø lamge na näk yia raac ki ge. Kiper manøgønø, aani japøge tïïa tïïö jïge kaamar gïn mo ba waany.

Edhikiel 8:11

'Ba nyïm gïïögø da jø døøk dhi øt Icriel ma pïërabïriiø mo cuŋŋö yie. 'Ba Jaadhania o Capan ena dï jø døøgøgø ni cuŋŋö thuwø; ni ŋati man nø dëëtge cere da gïn wø duuŋ gïn wø jïye ŋwääi ni met yie; ni gïn wø jïye ŋwääi ni met bëëdö ni duuŋ ceŋge yïth gïïögøøni.

Edhikiel 8:16

Køøre eni aana kïth yi kal mana en dïër mar øt Wuuö Jwøk. 'Ba dhi øt Wuuö Jwøk kaace yïthakic agööla ki gïn wø cïp olämme bääte, da cwøw mo jïtö ki pïërariiø ka abïïc mo ŋäthge ege løø baŋ øt Wuuö Jwøk ni nyïmge ege løø jï kur tuul-cäŋ, ni cøŋge ege këël piny ni rege kemø ki cäŋ ni ge lama gø.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.