Jeremaya 23:1 - Wëël Jwøk

¹ Wuuö Jwøk aköö, no «Otïmö ni raac jï dïkwääye mo wø raany jiy 'moa ni keethge geni, ni beege jiy mo wø kwaaya kaamar pïïth dïëk 'moa.»

Jeremaya 23:1 Iomraidhean Croise

Jeremaya 10:21

Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 13:17

'Ba ni näk luumma ba wïnynyu, aani, a jwöŋö ni kuyu kiper atöör maru. Ni jwöŋa ni yia yaa keeyø døc, ni nyeŋŋa lwanynyi ki pïï, kiper jic Wuuö Jwøk omak ki tøŋ ni käli.

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 22:22

Dïbwöthe mou bëët onikeet kaawat man wø tïïc jame, ni ö wïth juurre moa mëërru ki geni na dwätu ki geni ni maai ki tøŋ. Køøre wïthu otïmö ni laay, ni tïm nyeŋŋu ni law, kiper gïïa reyø bëët na tïïyu.

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 50:6

«Jiya atïmö kaamar dïëk moo rwäänyö. Gena bwøth dïkwääye moge ki jöö moo gaa wøk, ni tïïcge geni nee wïïrge bäät kïte; ni thääcge bäät kïte ki bäät thuuri, ni wïl wïthge ki kar jwöm marge.

Edhikiel 13:3

Kwäärö Wuuö Jwøk aköö: Noo tïmö ni raac jï jøøa bäŋ wïdhi, jøøa tïïc rege na nyïïkuk Jwøk ni wø caath køør acaare moge keerge, jø wø köö ni da gïï mo ege neenø, 'ba bäŋgø.

Edhikiel 34:1

'Ba dwør Wuuö Jwøk aö bääta ni kööe,

Edhikiel 34:21

Kiper mana bëëdu nou caala dïëk mo dëëtge cööcge cööyö ki göökge, ni dëëtge gïïnge gïïnnö, ni cööpge moa no oööl ki tuŋi, këël man wø putge keethø,

Edhikiel 34:31

'Ba u na dïëk 'moa, ni bee u dïëk 'moa mo wø caama, uuna jiy 'moa, ni aana Jwøk maru.› Luummögø caana Kwäärö Wuuö Jwøki.»

Edhikiel 36:38

ni ge thööth døc kaamar pïïth dïëk mo wø cïp no olämme yi Jerucalem ki yïth cääŋŋe moa no ocïp piny na mo wödö. Kanyøgønø, päänye moa no oränynyö opäŋ ki lwaa dhaanhø. Køøre nø, ŋäcge ŋääö ni bee aani na Wuuö Jwøk.› »

Dhekaraya 10:3

'Ba Wuuö Jwøk aköö, ni «Aani, gootø mara liel kaamar maac bäät dïbwöthe. Dïbwöthe jääla jäälö; kiper a na Wuuö Jwøk na en wïth jammi bëët, pïïth mara gwøa gwøø, ni beege jø dhi øt Juuda, ni tïïa ge kaamar okweeny leny man wø ŋwöö ki gø ri leny.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 9:36

'Ba na neen lwaak, cwïnye apädhö ki gïrge, kiper ge wïïrö jaak, ni bäŋ ŋat køny geni, ni ge bëëdö kaamar dïëk mo bäŋ dïkwääy jïge.

Jøøn 10:10

'Ba kuu wø ööi kaper kwal keere, ki 'näk, ka aranya. 'Ba aani, a ööi kaper nee ge kwøwge ki kwøw mana näk adïëri.

Jøøn 10:12

'Ba ŋat mo tïïö ka jammi ni paa dïkwääy ni dïëk paa moe, kany wø joot kwac ni öö, dïëk wø wiie wiiø ni reeŋe. Ni ö kwaci ni maaŋ dïëk ni keeth geni.

Jøøn 10:8

'Ba jøøa kwøŋ öö bëët naa poodi beege kuuwe ni näkge dïtwïëte. 'Ba marge kär leŋ dïëki.