Jeremaya 22:22 - Wëël Jwøk

²² Dïbwöthe mou bëët onikeet kaawat man wø tïïc jame, ni ö wïth juurre moa mëërru ki geni na dwätu ki geni ni maai ki tøŋ. Køøre wïthu otïmö ni laay, ni tïm nyeŋŋu ni law, kiper gïïa reyø bëët na tïïyu.

Jeremaya 22:22 Iomraidhean Croise

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Jeremaya 10:21

Kiper dïbwöthe atïmö ni wïthge bäŋ acaara, ni Wuuö Jwøk ba pëënyge. Kiper manøgønø, bëëtö marge kär bëënynyö, ni ö jiyi moge bëët ni keethge.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 2:37

Ïïno ö wøk ki Ijep ni ceŋŋï ii kwaa wïïï; kiper Wuuö Jwøk jøøa ŋääthï anø kwiere, niï ba jïti ki bëëtö mo beer baŋge këët.»

Jeremaya 2:8

Këël dïlämme thuwø, ge kär pëëö, ni ‹?Wuuö Jwøk en kaa?› Jø wø caan tiet ciik a kärge ŋääö, ni ö dïbwöthe ni bääcge dëëra, ni ö nyïïkuk Jwøki ni køpge luup ki nyeŋ jwøa cwøl ni Baal, ni caathge køør juu mo bäŋ gïn duuge.

Jeremaya 20:11

'Ba Wuuö Jwøk ena buuta kaamar oteen tøŋ. Kiper manøgønø, jø wø 'caan aani a ba böötge; 'ba tietge ocwanyge, ni tïm wïthge ni laay døc kiper no ba thur gïna manyge kare, ni wïc ba wïl ki lään wïc marge na bäre bäre.

Jeremaya 30:14

Wïth juurre moa mëërru ki geni na dwätu ki geni bëët wïthge awïl ki uuni; ni ge ba many uuni këët; kiper dëëtu amooa ki gïï mo leth mo caala man wø tïïc nyïïmänni, ni jääla uuni kaawat man wø tïïc ŋat mo cwïnye ba pädhi ki tïïc gïn mo leth. Gïnögø atïïa dëëtu kiper bääyö maru dwøŋ døc, ni raay mou thööth døc.

Jeremaya 4:30

?A ïïni nø, ï na Jerucalem na no oränynyö, agïnaŋø noo tïïyï? Këël na røyï abïï kït, ni døøyï dëërï mo mïërö ki warkey, ni rwøthï buny nyeŋŋï, ï døøya dëërï mo mïërö ki jaak. Cwøw mo wø many ïïni, ïïna kwierge, ni tïmge ni ge manynya man 'näkge ïïni.

Jeremaya 5:13

Luup nyïïkuk Jwøk caala jamø jaak, ni luup mo wø køpge ba käl baŋ Wuuö Jwøk. Ni gïn wø caange døøa wïthge keerge.› »

Jeremaya 7:19

?Aŋø, ki jïge ni ge raanynya cwïnya? ?Aŋø, ge ba raany dëëtge keerge ni ge käla lään wïc bäätge?

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 13:15

«'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Odheea 4:19

'Ba apwøyaweerø öö ni jwiec geni na bäre, ni ö olämme moge ni tïme ni duua lään wïc jïge.»

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;