Jeremaya 22:21 - Wëël Jwøk

²¹ Uuna köömma kanya bëëdu ni bëëtö maru jööt jaak, 'ba uuna köö, ni ‹Marï ba wïnywa!› Manøgø beeye bëëtö maru cøøn ki mana täge ki kanya täk paac yie, ni dwøra ba wïnynyu.

Jeremaya 22:21 Iomraidhean Croise

2 Luup Nyeye 33:10

'Ba Wuuö Jwøk Maneeca ki jiye acäänne, 'ba ïthge kärge ciiø ki luum gø.

Dut Pwøc 129:1

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 2:25

Ï na Icriel, kär dëërï öölï ki wääth køør juu mo oballe, ni ba 'nägï dëërï ki riew. 'Ba ïïna köö, ni ‹Bäŋ gïn løny jïra këët na bäre bäre, kiper a bëëdö naa mëër ki juu mo path, naa poot caatha køørge.›

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 25:3

ni «Ki yïth cwiiri moi na pïërariiø kurdäk ii, ki mana täge ki ra aŋuun cwiiri apaar kurdäk moa beet Jöcaya wär Amön ni ena nyeny Juuda, këël dïcäŋi en, dwør Wuuö Jwøk abëëdö ni öa bääta, ni cara gø jïïu cooth, 'ba dwøre käru wïnynyö.

Jeremaya 25:4

«Ni ö Wuuö Jwøki ni bëëde ni jääŋŋa jiy moe ma nyïïkuk Jwøk baŋu cooth, 'ba dwøre käru wïnynyö ni ïthu käru ciiø.

Jeremaya 25:7

«'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 25:8

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Kiper mana käru luupa wïnynyö,

Jeremaya 3:24

'Ba ki mana täk paaci marwa cøøn, Baal, jwøk mo duua lään wïc, gïïa joot kwäcwa ki køør kwäk marge athööre, ni beege dïëk ki dhäk moge, këël wäätge ki nyïïge thuwø.

Jeremaya 3:25

'Ba ennø, beerra man räpwa piny ki lään wïc marwa, ni ö lään wïci marwa ni pälle bäätwa, kiper waana bääyö dëërï, ï na Wuuö Jwøk, Jwøk marwa, ni beeye waani ki kwäcwa bëët, ki mana täk paaci marwa këël dïcäŋi en; ni bëëtwa ni dwørï ba wïnywa, ï na Wuuö Jwøk, Jwøk marwa.»

Jeremaya 32:30

«Ka adïëri møn, jø Icriel ki jø Juuda bëëdö ni ge tïïya gïï mo nëëni ni reyø keerge ki jïra, ni tägi ki kanya täkge bëëtö cøøn; kiper geni, ge bëëdö ni ge raanynya cwïnya keere ki køør gïï wø tïïcge.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 48:11

«Jø Möap gena bëëdö ni geno nikwak poge ki mana täk paaci, ni ge bëëdö kaamar køøŋø mo onïër piny, mo kär daa yi dak maya; kiper geni, ge kär kïth paac mør ni ge mak ki tøŋ. Kiper manøgønø, ge caala køøŋø mo mete bëëdö kare, ni ŋwäänynye kär wïïtö.

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Edhikiel 20:13

« ‹'Ba jø Icriel gena cäŋ gëëmö ki aani dï paap. Gena kweer ki man cääthge ki køør luup 'moa, ni wecge ciik 'moa, ni beege gïïa doo cïpö ki kwøw jï ŋato kïth ge bäät tïïc, ni ö geni ni putge cääŋŋe 'moa mo jwöm päät døc. Kanyøgø aana köö ni wëër mara kønynya bäätge nee wïthge puta dïïr dï paap.

Edhikiel 20:21

« ‹'Ba obwöre moge gena gëëmö ki aani thuwø. Ge kär cäädhö ki køør luup 'moa, ni kärge wïthge caarø ki man kïthge ciik 'moa bäät tïïc, ni beege gïïa doo cïpö ki kwøw jï ŋato kïth ge bäät tïïc; ni ö geni ni putge cääŋŋe 'moa mo jwöm päät. Kanyøgø aana köö ni wëër mara ni wø liel kaamar maac kønynya bäätge nee wëër mara put røm dëëtge dï paap.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 20:8

« ‹'Ba gena tïmö ni marge ageem ki aani ni kweerge ki man cekge ïthge ki luumma. Japa reyø ni wø wøørge kärge wetø, ni kärge kït gïï wø lam mo jø Ijep wiiø. Kanyøgø aana köö ni wëër mara ni wø liel kaamar maac kønynya bäätge nø, nee wëër mara put røm dëëtge dï ŋööm Ijep.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Tiet Ciik 31:27

Kiper aani ageem maru ki teek cwïny maru ŋääa. Neennu, uuna nø gëëmö ki Wuuö Jwøk naa poot nut naa kwøw. ?A no thøøa nø, naa tøør dïïu, a teeŋ ageem mo nyïëdi noo tïïyu?

Tiet Ciik 9:24

'Ba uuna bëëdö ni maru ageem ki Wuuö Jwøk, ki mana tääa bëëtö ki uuni.

Tiet Ciik 9:7

«Ba caarru wïthu ni ba wïl wïthu ki mana cwaatu yi Wuuö Jwøk na näk Jwøu këël mana wëëre ki uuni dï paap. Ki mana täge ki dïcäŋa ööu wøk ki yi Ijep këël mana pïïyu kany, uuna bëëdö nou gëëmö ki Wuuö Jwøk.