Jeremaya 22:18 - Wëël Jwøk

¹⁸ Kiper manøgønø, mana caan Wuuö Jwøki kiper Jeyöakëm o Jöcaya nyeny Juuda beeye en, ena köö, ni «Jiy ba doo jwöŋö kipere kanyo thøøe, ni ge köö yïthakicge keerge, ni ‹Wui coka! Wui coka!› Ni jiy ba doo jwöŋö kipere, ni ‹Wui nyenywa öy! Wui nyenywa, ï na nyeny ajiem marwa!›

Jeremaya 22:18 Iomraidhean Croise

2 Camiel 1:26

Nyie coka ma Jönathan, a jwöŋö naa keeya yia kiperï; ïïna bëëdö ni perï leth jïra. Mëër marï ki aani, beeye mëër mo pere leth døc ni kaala mëëc mïïö.

1 Nyeye 13:30

Ni pïël dëër gø yi bwörö mare, ni jwöŋge kiper gø, ni köge, ni «Wui, coka!»

2 Nyeye 23:36

'Ba Jeyöakëm kanya tïme na nyeya, cwiic dööŋö moe pïërariiø kurbïïc, ni bëëde ki cwiiri apaar kurciel ni ena nyeya yi Jerucalem. 'Ba nyeŋ menni beeye Dhebida nyi Pedaya nyï Ruma.

2 Nyeye 23:6

Ni ö eni ni käl gïna no otieŋø na no ocaa ri jwøa cwøl na Acara wøk ki Øt Wuuö Jwøk, ni kïth gø wøk töök Jerucalem bäät waŋ Naam Kidaran, ni waaŋ gø kaace, ni guur gø na tør, ni ö tørøgø ni jøør gø bäät bwör.

2 Nyeye 24:6

'Ba Jeyöakëm athøw ni läp køør kwäcge, ni ö wääde ma Jöakin ni läw kar gø na nyeya.

1 Luup Nyeye 3:15

ni Jöcaya wääde mana näk kaa beeye Jöanan, ni rietge beeye Jeyöakëm, ni dääge beeye Cëdëkiya, ni ŋweerge beeye Calum.

2 Luup Nyeye 35:25

'Ba Jeremaya acääö ki duut man jwøk Jöcaya ki gø; 'ba këël yïth nïne moi jø wär ki dudi moa näk cwøw ki mään bëët, kany wø wärge ki dudi mo wø wär kiper thøø, wïthge wø parge parø ki Jöcaya. 'Ba gïnögø aput tïmö na kööŋŋö ki Icriel, ni gööri piny yi wëël dudi mo wø jwøk jiy ki ge kany wø thøwge.

2 Luup Nyeye 36:5

'Ba Jeyöakëm kanya tïme na nyeya, cwiic dööŋö moe pïërariiø kurbïïc, ni bëëde ni ena nyeya ki cwiiri apaar kurciel yi Jerucalem. 'Ba Jeyöakëm ena bëëdö ni tïïya gïï mo nëëni ni reyø ki jï Wuuö Jwøk, Jwøk mare.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 16:6

Jiy moa kwörge døøŋŋø ki moa kwörge bäŋgø ge thøøa yi ŋöömmi en, ni ge ba koony, ni bäŋ jiy mo jwøk geni, ni bäŋ ŋat mo tïïc dëëre ki gïn mo leth kiperge, ni bäŋ ŋat mo gwäära wïïe wøk.

Jeremaya 21:11

«Ni kööï jï jø dhi øt nyeny Juuda, « ‹Wui, u na jø dhi øt Deebit, wïnynyu luum Wuuö Jwøk. Luumma caan Wuuö Jwøki beeye en: Ŋøllu luup cooth na karge, ni kønynyu jiy mo wø japge møt ceŋ jø wø caan geni. 'Ba ni näk mo ba tïïyu, nou tïïya tïïe mo reyø, wëër mara ni wø liel ni wääŋö kaamar maac mo ba løny ki bïp 'käla bäätu.› »

Jeremaya 22:10

Kär nou jwöŋö kiper Jöcaya, nyeya mana thøw, ni ba kïmmu kipere; 'ba jwöŋu ni yïthu you keeyø kiper Jeyöakac, nyeya mana mak ki tøŋ na käl, kiper eni ba duui këët, ni ŋööm poge ba neene.

Jeremaya 22:12

'Ba eno thøø kanyo kïth eni yie ni eni mak ki tøŋ, ni ŋöömmi en ba cäŋ neennø këët.»

Jeremaya 34:5

'ba ïïno thøw ki thøø mo beer jaak; ni waaŋ gïn wø jïye ŋwääi ni met kiperï ni jiemma ïïni kaawat mana wara waaŋi ni jiemma kwäyu ki gø, moa kwøŋ bëëdö na nyeye dïkwøŋ niï poodi, ni jwöŋ jiyi kiperï, ni köge, ni «Wui nyenywa öy!» kiper luummögø yaa nø caan.› Luummögø caana Wuuö Jwøki.»

Jeremaya 36:30

Kiper manøgønø, luumma caan Wuuö Jwøki kiper Jeyöakëm nyeny Juuda beeye en: Eni ba jïti ki ŋat mo läw bäät wäl Deebit; ni kanyo thøøe, rïŋ dëëre leeŋa wøk yi cäŋ ni bëëde yi köö ki dï wäär.