Jeremaya 22:17 - Wëël Jwøk

¹⁷ 'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 22:17 Iomraidhean Croise

1 Nyeye 21:19

'Ba wärï cäänï ki eni ni kööï ni Wuuö Jwøk aköö, ni ‹Dhaanhø anø 'nägï. ?Aŋø, ï cäŋa duu kuna kälï jape?› Ni cäŋï cäänö ki eni ni Wuuö Jwøk aköö, ni ‹Kanya ö guuwi na naaŋge rem Naböth yie, ïïni thuwø remmï naaŋ guuwi naaŋø yie.› »

2 Nyeye 23:37

'Ba ena bëëdö ni tïïya gïï mo nëëni ni reyø ki jï Wuuö Jwøk, kaawat moa tïïc kwäye.

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

2 Luup Nyeye 36:8

'Ba luum tïïe møga moa tïïc Jeyöakëmmi, ki gïïa raac eci ki ge na tïïe, ki jammi moa tägö dëëre, ogöör piny yi Wëël Luup Nyec Icriel ki Juuda. 'Ba Jeyöakëm wääde ma Jöakin aläw kar gø na nyeya.

Jööp 31:7

'Ba ni näk mo aano gaa wøk ki øtjöö, ni tïm cwïnya ni bwøtha nyeŋŋa, wala ceŋŋa bëëdö ni ba waany,

Bwøth Wøk 18:21

Køøre thuwø ï doo jëëtö røkge bëët ki jiy mo nyeŋge reegø mo lwäär ki Jwøk, na jiy mo di ŋäädhö, na jiy mo män ki møt; ni tïïyï geni na wïth jø Icriel, ni tïmge na kwääri mo lwaa jiy ma kume ki ma dïpe ki ma pïërobïïci ki mo opaarri.

Pwöc Leec Wïc 24:2

kiper cwïnyge wø caara bëët dïwït, ni dhøkge wø cara luup gïï mo reyø.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 6:6

Kiper luumma caan Wuuö Jwøki, eni na wïth jammi bëët, beeye en, ena köö, ni «Ŋøtu jenni moa en lak Jerucalem na mo thør, ni thørru bäätge ki ŋøøm man eth bäät kiir ki gø. Pääny man beeye pääny mo di raanynyø, kiper jiy bëëdö ni di caannø dïëre bäre.

Jeremaya 7:6

ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 18:12

ni jøøa can na näk oööl caare caarø, ni twëëdö, ni gïn mo ee kälö na dïgïti ba dwøge jï ŋata mäyö baŋe, ni eni bëëdö ni wøøra kït gïï wø lam, ni eni tïïö ki gïï mo yia raac ki ge,

Edhikiel 19:6

Ni put tïmö ni cäädhö yïthakic ŋuuwe, kiper eno løny ni teek. Ni kwany dwaar, ni put tïmö ni cämö ki jiy.

Edhikiel 19:7

Ni tøc kwör gwøk røk moge moa teek, ni raany päänye moge; ni ö jiyi bëët moa en yi ŋööm paac ni lwäcge ki löörö mare.

Edhikiel 19:9

Ni gänge gø ko obïth ni kïthge gø yi dhwöŋŋö, ni kïthge gø Babiløn baŋ nyeya, ni kïthge gø øt twöc, ni ö löörö mare ni tïme ni ba wïnyi këët bäät kïte mo Icriel.

Edhikiel 22:6

« ‹Raŋï mø, dïbwöthe mo Icriel moø ni moï yøø, man nø bëëdö ni dëëre ee kønyø ki teek mare ki man køny rem jiy piny.

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mikiya 2:2

Geni, cwïnyge døøŋŋø ki pwöth ni macge geni, ni päl cwïnyge ki uudi ni lwørge geni. Geni, jap dhaanhø wø lwørge lwørø ki paac mare, ni lwørge pwöth dhaanhø.

Mikiya 3:10

u ni wø geer Dhayan na näk pääny Jwøk ki jap jiy mo wø rem moge kønynyu piny, ni beeye Jerucalem ni wø geerru ki køør tïïc gïï mo reyø.

Jepaniya 3:3

Dïbwöthe moe ge bëëdö kaamar ŋuuwe mo märö, ni ö dïŋut luupi moe ni bëëtge kaamar kwäänynye mo owär, mo ge cämö ka wäär ni bäŋ gïn wecge kiper amöölla.

Wëëlö Mana Göör Pøølli Baŋ Jø Röm 1:29

Ni cwïnyge bëëdö ni päŋ ki teeŋ gïïa reyø bëët, ki raay, ki päl cwïny, ki cøl cwïny. Ni cwïnyge päŋ ki gwön, ki 'näk jiy, ki wëëye, ki cwøk, ka aranya. Ni gena dïwääc nyeŋŋi,

1 Körin 6:10

wala kuuwe, wala jø wärö, wala jø meeye, wala jø ajaany, wala dïtwïët jiy, mo ci buc Jwøki jïge.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

2 Piter 2:14

Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

1 Camiel 8:3

'Ba wäät Camiel jöör wääge kärge caadhø; gena gaa wøk ni tïm cwïnyge ni päl ki jammi, ni kätge ki jammi mo wø cïp ki piny, ni daaŋge luup jiy.