Jeremaya 22:16 - Wëël Jwøk

¹⁶ Eni kee luup jøøa no ocaarø ki luup jøøa can aŋøle na karge, ni bëët paaci bäre na wøp. ?Aŋø, ki man ŋäc aani, a na Wuuö Jwøk, paa beeye ki man tïïc teeŋ tïïe moøgø nø?

Jeremaya 22:16 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

Pwöc Leec Wïc 31:9

Jap dhiï, ni ŋølï luup na karge, ni cuŋŋï kiper adïëri mar jøøa no ocaarø ki jøøa can.»

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Jeremaya 5:28

Geno lør ni dëëtge pulli, ni geno pöödhö ki tïïc gïïa reyø. Luum kïïc bäŋ wø ŋølge na adïëri, nee bëëtö mare tïme na wøp, ni ge ba pïëmö kiper adïëri mar jøøa can.

Jeremaya 9:16

Ni keetha geni dï wïth juurre mo kucge, mo kuc wëëkge thuwø. Ni jääŋŋa tøŋ køørge këël mano thööra geni.»

Jeremaya 9:24

'ba ŋat mo töödö, wär tööde kiper mana näk mo wïïe da acaara ki man ŋäc aani, a na Wuuö Jwøk, ni ŋäc gø ni beeye aani ni wø nyooth mëër man wø ba jøøl, ka adïëri ki bëënynyö bäät piny, kiper yia wø met ka teeŋ gïïögø.» Luummögø caana Wuuö Jwøki.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:6

«Aani nyeŋŋï anyoodha jï jøøa cïpï jïra ri jø piny. Gena moï, ni cïpï ge jïra, ni luummï ege gwøø.

Jøøn 8:19

'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.

1 Camiel 2:2

Bäŋ ŋat mo bëëtö mare ena kur keere mo caala ïïni, ï na Wuuö Jwøk, ka adïëri møn, bäŋ jwøk mør mo caala ïïni këët, ni bäŋ jwøk mo teek mo caala ïïni, ï na Jwøwa.