Jeremaya 22:15 - Wëël Jwøk

¹⁵ «?Aŋø, ii caarø ni nyec marï beeye kiper mana geerï øt nyec marï ko opämi mo beyø mo thööth niï kaatha ceŋ jø møøk? Aŋø, wäru kera abëëdö ni cämö ni mädhö, ni tïïc tïïc mana näk kare na näk adïëri, ni bëët jammi bëët ni beyø jïre.

Jeremaya 22:15 Iomraidhean Croise

2 Camiel 8:15

Køøre Deebit aput bëëdö na nyeya mar jø Icriel bëët; ni luup ŋøle na karge, ni tïïya adïëri jï jø Icriel bëët.

1 Nyeye 10:9

'Ba pwøc en jï Wuuö Jwøk, Jwøk marï, na yie mïnnö ki ïïni na cïp ïïni bäät wäl jø Icriel. 'Ba kiper mana mëër Wuuö Jwøki ki jø Icriel na bäre bäre, ïïna tïïe na nyeya, kiper nee luup wø ŋølï na karge niï tïïya adïëri.»

2 Nyeye 22:2

'Ba Jöcaya abëëdö ni tïïya gïï mo nëëni ni beyø ki jï Wuuö Jwøk, ni bëëde ni caatha uutjïëthe bëët moa caath kwari ma Deebit, ni käre gaa bäät cwïïc wala bäät caam.

2 Nyeye 23:25

'Ba bäŋ nyeya mo caala Jöcaya dïkwøŋ, wala mo ö køøre, mo ree ee løø baŋ Wuuö Jwøk ki cwïnye bäre ki jwïëye bäre ki teek mare bäre, ki køør ciik Modhe.

1 Luup Nyeye 3:15

ni Jöcaya wääde mana näk kaa beeye Jöanan, ni rietge beeye Jeyöakëm, ni dääge beeye Cëdëkiya, ni ŋweerge beeye Calum.

2 Luup Nyeye 34:2

'Ba ena bëëdö ni tïïya gïï mo nëëni ni beyø ki jï Wuuö Jwøk, ni eni cäädhi ka uutjïëthe moa caath kwari ma Deebit, ni käre gaa bäät caam wala bäät cwïïc.

2 Luup Nyeye 35:22

'Ba Jöcaya, Nekø käre wiiø ki man ci baŋ gø, 'ba abïïk nyec aput wiil, ni ci baŋ leny baŋ gø, ni mare kweer ki luubö mana caan Jwøki ki dhi Nekø. Ni put ci baŋ leny yi pwöl Megidø.

2 Luup Nyeye 35:26

'Ba jammi møga moa tïïc Jöcaya, ki tïïe moe na beyø na tïïe ki køør mana no ogöör piny yi wëël ciik mo Wuuö Jwøk,

Pwöc Leec Wïc 20:28

Mëër man wø ba jøøl ka adïëri nyeya wø gwøkge gwøø, ni ö wälu mare ni këët piny ni teek ki køør bëët-mëër.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Pwöc Leec Wïc 25:5

jøøa reyø käl wøk nyïm nyeya, køøre wälu mare tiere okëët piny ki køør bëënynyö.

Pwöc Leec Wïc 29:4

Nyeya paac wø këël piny ka køør ŋøl ma adïëri, 'ba nyeya man wø jwäk jiy ki teek wø raanynya paac.

Pwöc Leec Wïc 31:9

Jap dhiï, ni ŋølï luup na karge, ni cuŋŋï kiper adïëri mar jøøa no ocaarø ki jøøa can.»

Luup Dïpööy 10:17

'Ba ï na paana näk nyeya marï käla ri tuuŋ nyec, gwïëth en jïrï, ni bee ï ni wø bwöthe moï cämö ka yi caa ma kare, kiper nee jïtge ki teek dëël ni patha man bëënge meerø.

Luup Dïpööy 2:24

Bäŋ gïn mo beerra eni jï dhaanhø ni näk mo paa cam ki maath ki man raŋ tïïc mare na gïn mo beer. Manøgø thuwø ajooda ni beeye gïn mo cer Jwøk ena ree.

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 22:18

Kiper manøgønø, mana caan Wuuö Jwøki kiper Jeyöakëm o Jöcaya nyeny Juuda beeye en, ena köö, ni «Jiy ba doo jwöŋö kipere kanyo thøøe, ni ge köö yïthakicge keerge, ni ‹Wui coka! Wui coka!› Ni jiy ba doo jwöŋö kipere, ni ‹Wui nyenywa öy! Wui nyenywa, ï na nyeny ajiem marwa!›

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 42:6

Waani Wuuö Jwøk, Jwøk marø, na jääŋwa ïïni baŋe, dwøre wïnywa wïnynyö, na gïn mo ec met ki gø wala ec raac ki gø, kiper nee tïme ni beer jïwa. Ka adïëri møn, waani, dwør Wuuö Jwøk, Jwøk marø, wïnywa wïnynyö.»

Jeremaya 7:5

'Ba ni näk jöör bëëtö maru ki tïïe mou you tiirø møn, ni ŋøllu luup na karge yïthakic jiy,

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Moa Tïïc Nyïïatwieli 2:46

'Ba ki yïth cääŋŋe bëët ge wø cøøa Øt Jwøk Mana Dwøŋ na aciel, ni muunni wø pøtge pøtø uutge, ni ge wø cämö na aciel ni ge ŋeethø ni yïthge met.

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

Tiet Ciik 4:40

'Ba gwøgu ciik moe ki gïïa kööm uuni ki ge mo caana jïïu dïcäŋi en, kiper uuni ki wäätu moo ööi køøru, nou jïtu ki bëëtö mo beer, ni tïm nïr kwøw mou ni thööth yi ŋöömmo cïp Wuuö Jwøki na näk Jwøu jïïu nee tïme na maru na bäre bäre.»