Jeremaya 22:1 - Wëël Jwøk

¹ Man beeye dwøl mana caan Wuuö Jwøki, ena köö, ni «Ci paan dwøŋ po nyeny Juuda ni caanï luummi en kaace,

Jeremaya 22:1 Iomraidhean Croise

2 Camiel 12:1

'Ba dïcäŋ aciel Wuuö Jwøk, Nathan na näk nyikuŋ Jwøk ajääŋŋe baŋ Deebit. Ni ö Nathanni ni ci baŋ Deebit ni cääne ki eni ki luup mo keda leer, ni kööe jïgø, ni «Da jiy ariiø mo bëëdö paac aciel; dhaanhø aciel okwär, ni dhaanhø maya can.

2 Luup Nyeye 33:10

'Ba Wuuö Jwøk Maneeca ki jiye acäänne, 'ba ïthge kärge ciiø ki luum gø.

Jeremaya 21:11

«Ni kööï jï jø dhi øt nyeny Juuda, « ‹Wui, u na jø dhi øt Deebit, wïnynyu luum Wuuö Jwøk. Luumma caan Wuuö Jwøki beeye en: Ŋøllu luup cooth na karge, ni kønynyu jiy mo wø japge møt ceŋ jø wø caan geni. 'Ba ni näk mo ba tïïyu, nou tïïya tïïe mo reyø, wëër mara ni wø liel ni wääŋö kaamar maac mo ba løny ki bïp 'käla bäätu.› »

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 22:2

ni kööï, ‹Wui, ï na nyeny Juuda, ï na läw bäät wäl Deebit, wïny luum Wuuö Jwøk, ïïni ki jø kööre moï bëët, ki jiy moï mo wø cäädhi ki dhøk kal man.

Jeremaya 34:2

ni kööm Jeremaya nee ci baŋ Cëdëkiya nyeny Juuda, ni caan gø jïre, ni «Luumma caan Wuuö Jwøki, Jwø Icriel, beeye en: ni ‹Ennø, pääny man 'cïba cer nyeny Babiløn, ni ööe ni waaŋ gø.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Amøc 7:13

'Ba kär luum Jwøk køpï këët Bëthël kany, kiper beeye kar lam mar nyeya, ni näk øt lam thuwø mar paac bäre.»

Maak 6:18

Kiper Jøøn atïmö ni cäänö ki Eerat, ni kööe, ni «Ba doo beer jïrï ki man bëëdï ki cï owäru.»