Jeremaya 21:9 - Wëël Jwøk

⁹ Ŋato bëëdö yi pääny man thøw ki käc ki täw mo leth, ni nääi ko opëëllö. 'Ba ŋato aa wøk ni cïp cere jï jø Kaldia moø ni u ege ciel dïër yøø, eni kwøw, ni bøth jwïëyi moe.

Jeremaya 21:9 Iomraidhean Croise

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 21:7

Køør manøgønø, gïno tïïa, a na Wuuö Jwøk, Cëdëkiya nyeny Juuda, ki jø kööre moe, ki jiy mo odööŋ ni kwøw yi pääny man, no obøth ki täw ki leny ki käc, cïba cer Nabukedenecör nyeny Babiløn, ki ceŋ nyïïmän moge, jø wø many jwïëcge. Ni ö Nabukedenecörri ni 'näk geni ko opëëllö. Eni cwïnye ba dee bäädhö ki geni, ni cwïnye ba doo pädhö ki gïrge, ni yie ba dee warø ki geni.› »

Jeremaya 24:10

Aani, mänye ki käc ki täw mo leth jääŋŋa jääŋŋö bäätge, këël mano thumge ki thøø yi ŋöömma cïba jïge ki kwäcge.»

Jeremaya 27:11

'Ba wï jur mano jïëy ki man bëëde tier teek mar nyeny Babiløn na caal jaath puur man wø twöö ŋut rwaath, ni bëëde ni ena laŋŋø mare, geni, ge wëëga bëëtö yi ŋöömö marge, ni puurge gø ni bëëtge yie.› Luummögø caana Wuuö Jwøki.»

Jeremaya 27:12

'Ba teeŋ luupögø bëët acaana jï Cëdëkiya nyeny Juuda, ni kööa, ni «Jïëyu ki man bëëdu tier teek mar nyeny Babiløn na caal jaath puur man wø twöö ŋut rwaath, ni bëëdu ni uuna laaŋe moe ki jiye; køøre u bëëdö nou kwøw.

Jeremaya 27:13

?Aŋø, ïïni ki jiyï, aperŋø ni manynyu thøø jaak en, nou thøwu ko opëëllö ki käc ki täw mo leth, kaawat mana caan Wuuö Jwøki kiper wï jur mano kweer ki man bëëde na laŋŋø mar nyeny Babiløn?

Jeremaya 38:2

ni «Luumma caan Wuuö Jwøki beeye en: Ŋato bëëdö yi pääny man thøw ki käc ki täw mo leth, ni nääi ko opëëllö, 'ba ŋato aa wøk ni cïp cere jï jø Babiløn, eni kwøw; ni bøth jwïëyi moe, ni bëëde ni kwøw.

Jeremaya 38:3

Luumma caan Wuuö Jwøki beeye ni pääny man ocïp ceŋ jø leny mo nyeny Babiløn møn, ni ö eni ni put pääny mak.»

Jeremaya 39:18

Kiper ka adïëri møn, ï piema piemø, niï ba 'näk. 'Ba jwïëy moï bøth, kiper ï bëëdö niï ŋäätha aani. Luummögø caana Wuuö Jwøki.»

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.