Jeremaya 21:6 - Wëël Jwøk

⁶ Aani thuwø, jiy ki lääy mo wø bëëdö yi pääny man nääa nääö, ni thøwge ki täw mo leth døc.

Jeremaya 21:6 Iomraidhean Croise

Wïlöölö 6:7

Ni kö Wuuö Jwøki, «Aani dhaanhø mana cwääa raanynya raanynyø bäät piny, ki mano täge ki dhaanhø këël mano këët ri lääy, ki gïï wø muuli, ki wec maal bëët; kiper cwïnya apädhö kiper mana cwääa geni.»

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 20:4

Kiper luumma caan Wuuö Jwøki beeye en, ena köö, ni ‹Ka adïëri møn, aani lwär mo dwøŋ jääŋŋa jääŋŋö bäätï ki bäät nyïïawäätï bëët. Geni, geno 'näk nyïïmänni moge ko opëëllö ni nëënö jïrï. Aani, jø Juuda bëët cïba cer nyeny Babiløn, ni ö eni ni 'näk møøk ko opëëllö, ni mak møøk ki tøŋ ni kïth ge Babiløn.

Jeremaya 32:24

«Ennø, ŋøøm moø ni thør jø Babilønni deŋ kiir pääny enø, anø pïï maal kiper nee pääny macge; 'ba kiper mäny ki käc ki täw mo leth, pääny aløny ni cïp ceŋ jø Babiløn, jøø ni këëdi ki gø yøø. 'Ba kawaane, gïna caanï kiper päänyi en anø tägö, ni nëënö jïrï.

Jeremaya 33:12

«Man beeye mana caan Wuuö Jwøki, eni na wïth jammi bëët, ena köö, ni ‹Dï paani ni bëëdö no oränynyö en, ki yïth mïëri moa en deŋŋe bëët, ni bëëdö ni bäŋ jiy ni bäŋ lääy mo bëëdö yïthge enø, otïmö ni da kwör kwaath mo løny jï dïkwääye ki man wëëkge dïëk moge jwömö yïthge,

Jeremaya 34:17

«Kiper manøgønø, mana caan Wuuö Jwøki beeye en: Uuni, mara käru wïnynyö, këël na gøøu luum laaŋe piny, ni ŋati man nø coki ki wati dee wiiø ni pät gø yi bëët laŋ. 'Ba ennø, luubö mano gøøa piny kiperu beeye en: Uuni, u wiia wiiø nou thøwu ri leny, ki täw mo leth, ki käc. Ni tïïa uuni na jiy mo tiet akwöm mo nyeye mo bäät piny bëët yïthge thäŋŋö ki gïno tägi dëëtu. Luummögø caana aani, a na Wuuö Jwøk.

Jeremaya 36:29

'Ba mano caanï kiper Jeyöakëm nyeny Juuda, wärï kööï ni mana caan Wuuö Jwøki beeye en: Ïïni, wëëlö man awaaŋï ni kööï, na ‹?Aperŋø na göörï gø ni nyeny Babiløn öö møn ni raany paac man ni tïïc gø ni bäŋ dhaanhø ki lääy mo bëëdö yie?›

Jeremaya 42:22

Kiper manøgønø, wär putu ŋäc ennø nou di nääö ko opëëllö, ni thøwu ki käc ki täw mo leth, kanyo manynyu nou cøøa yie enø nou bëëdu yie.»

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Edhikiel 12:16

'Ba aani jiy mo nøk dëëtge wiia wiiø ni kwøw ni ba nääa ko opëëllö, ki käc, ki täw. Kanyøgø nø, japa näk yia raac ki ge bëët na tïïcge caange caanø jï wïth juurre kwöra kïth geni yïthge, ni putge gø ŋäc ni bee aani na Wuuö Jwøk.»

Edhikiel 14:13

ni «Wär dhaanhø, ni näk mo da paac mo tïïö ki raay dëëra ki køør mano bëët jiye ki bëëtö mo patha kare, ni tïŋa cera maal bäätge ni jääla ge, ni ŋøla jöör cam marge, ni jääŋŋa käc bäätge ni nääa geni ki lääc paac moge,

Edhikiel 14:17

«'Ba ni näk mo opëëllö yaa jääŋŋö yi ŋöömö marge ni kööa, ni ‹Beerra man ö opëëllö ni wïr dï ŋöömö marge bäre,› ni ööa ni nääa geni ki lääy moge,

Edhikiel 14:19

«'Ba ni näk mo täw yaa jääŋŋö yi ŋöömö marge, ni kønynya remø marge piny ki køør wëër mara mano jääŋŋa bäätge, ni nääa geni ki lääy moge,

Edhikiel 14:21

'Ba luumma caan Kwäärö Wuuö Jwøki bee en, ena köö, na «A teeŋ ränynyö mo nyïëdi noo tägi kanyo jääŋŋa ajäle aŋween 'moa mo reyø bäät jø Jerucalem, ni beege opëëllö, ki käc, ki lääc paap, ki täw, nee ge nääa ki lääc paac moge!

Edhikiel 33:27

«Caanï jïge ni man beeye luumma caan Kwäärö Wuuö Jwøki, ena köö, ni ‹Kaawat man bëëda naa kwøw en, jiy moa no odööŋ kwöra no oränynyö ge di nääö ko opëëllö, ni ö jiyi moa en ŋää paac ni wëëga ge lääc paap nee ge cam, ni ö jiyi moa en kwör gwøk røk moa teek ki moa en yïth agäp-kïte ni wëëga ge thøø ki täw mo leth.

Edhikiel 33:29

Køøre nø, ŋäcge ŋääö ni bee aani na Wuuö Jwøk, kanyo wëëga ŋöömö marge ränynyö ni dööŋe ni bäŋ gïrpiny yie ki køør japa raac yia ki ge bëët na tïïcge.›

Edhikiel 7:15

«Opëëllö otïmö ni ena wøk töök kiir, ni ö täwi ki käc ni en yi kiir. Ŋato en yi pwödhö onäk ko opëëllö, ni ö jø wø en yi kiir ni thööri ya täwi ki käc.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Jepaniya 1:3

Aani, jiy ge ki lääy bëët, ki weny mo maal, ki rec mo naama dwøŋ, ge raanynya raanynyø. 'Ba kanyo raanynya jiy bäät piny, jøøa reyø geno put ränynyö, ni dööŋge kaamar gïï mo owetø wï thur.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.